17:53, 22 - اقپان 2024 | GMT +5
قازاقستاندا اۋقىمدى سەيسميكالىق جاتتىعۋلار وتەدى – ت ج م
استانا. KAZINFORM - جۇما كۇنى ەلىمىزدىڭ بارلىق وڭىرلەرىندە جوسپارلى سەيسميكالىق جاتتىعۋلار وتكىزىلەتىن بولادى، دەپ حابارلايدى ق ر توتەنشە جاعدايلار مينيسترلىگىنىڭ باسپا ءسوز قىزمەتى.
باسپاءسوز قىزمەتىنىڭ مالىمەتتەرىنە قاراعاندا، سەيسميكالىق جاتتىعۋلار وتەتىن كۇنى حالىقتى حاباردار ەتۋ جۇيەسى ىسكە قوسىلادى.
سەيسميكالىق جاتتىعۋلاردىڭ نەگىزگى ماقساتى جەر سىلكىنىسى قاۋپى مەن ءزىلزالا كەزىندەگى ءىس-ارەكەتكە حالىقتىڭ دايىندىق دەڭگەيىن ارتتىرۋ.
«ت ج م حالىققا ەسكەرتۋگە قۇلاق اسىپ، سەيسميكالىق جاتتىعۋلارعا بەلسەندى قاتىسۋعا كەڭەس بەرەدى»، - دەلىنگەن حابارلامادا.
