قازاقستاندا اقىلى جولدار قىمباتتاۋى مۇمكىن

بۇگىندە قازاقستانداعى اقىلى جولداردىڭ تاريفىن كوتەرۋ تالقىلانىپ جاتىر. بۇل تۋرالى كولىك ءمينيسترى مارات قارابايەۆ ايتتى.

«كەلەسى جىلى الماتى - قاراعاندى جولىن سالىپ بىتىرەمىز دەپ ويلايمىن. بۇل جول جەڭىل كولىكتەر ءۇشىن دە اقىلى بولادى. 2025-جىلى وندا بەينەباقىلاۋ كامەرالارى ورناتىلىپ، اقىلى جۇيە ەنگىزىلەدى. جاڭا اقىلى جولداردا تاريف وزگەرە مە؟ بۇگىندە ونداعى تاريف - 1 تەڭگە 20 تيىن (1 شاقىرىم جولعا - ەسك.). ءبىراق ونداعى تاريف كوتەرىلۋى مۇمكىن. ماسەلەنى تالقىلاپ جاتىرمىز»، - دەدى مينيستر ۇكىمەتتىڭ باسپا ءسوز ورتالىعىندا.

مارات قارابايەۆتىڭ سوزىنشە، جولداردى كۇتىپ ۇستاۋعا قارجى كەرەك.

«ءبىز تاريف 1,20 تەڭگە دەڭگەيىندە قالادى دەپ ايتىپ وتىرعان جوقپىز. ءتاريفتى بىرتىندەپ كوتەرۋ ساياساتىن ۇستانامىز. ەڭ الدىمەن ترانزيتكە باسىمدىق بەرىلەدى. ءبارى جاعدايعا بايلانىستى. ءتورتجولاقتى (اقىلى - ەسك.) جولداردى الايىق. ونى كۇتىپ ۇستاۋعا قاراجات كەرەك. (اقىلى جولدارداعى - ەسك.) ۋچاسكەلەر مەن شاقىرىم دا ءارتۇرلى. وسىنى ەسكەرسەك، اقىلى جولدارداعى تاريفتىڭ قۇنى دا ءارتۇرلى بولادى»، - دەدى ۆەدومستۆو باسشىسى.

ەسكە سالايىق، بۇعان دەيىن كولىك ءمينيسترى مارات قارابايەۆ جىل سايىن ەلىمىزدەگى جولداردى كۇتىپ ۇستاۋعا 60 ميلليارد تەڭگە كەرەگىن ايتقانى حابارلاندى.