قازاقستاندا Amazon Kuiper جاڭا سپۋتنيكتىك ينتەرنەتى قوسىلادى
استانا. KAZINFORM - قازاقستان يلون ماسكتىڭ Starlink ينتەرنەتىنە بالاما بولاتىن Amazon Kuiper سپۋتنيكتىك ينتەرنەت قىزمەتىمەن كەلىسىمگە قول قويۋدى جوسپارلاپ وتىر.
بۇل تۋرالى سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ ءمالىم ەتتى.
ايتا كەتەيىك، استانادا سيفرلىق ينكليۋزيا جانە ترانسفورماتسيا بويىنشا ورتالىق ازياداعى العاشقى ازيا-تىنىق مۇحيتى مينيسترلەر كونفەرەنتسياسى ءوتىپ جاتىر. ونىڭ قورىتىندىسى بويىنشا ءتۇرلى كەلىسىمدەرگە قول قويۋ جوسپارلانعان.
سيفرلىق دامۋ ءمينيسترى ەڭ ماڭىزدى كەلىسىمدەردىڭ ءبىرى Amazon Kuiper ينتەرنەت قىزمەتىمەن جاسالاتىنىن ايتتى.
«Amazon Kuiper - سپۋتنيكتىك ينتەرنەت قىزمەتىن ۇسىناتىن سپۋتنيكتىك شەشىم. Starlink, OneWeb ءتىڭ بالاماسى. مەنىڭ ويىمشا، وسى باعىتتا باسەكەلەستىكتى دامىتۋ ارقىلى ءبىز ازاماتتار ءۇشىن قولايلى باعادا ساپالى قىزمەتتەر الا الامىز»، - دەدى جاسلان ماديەۆ استانادا سيفرلىق ينكليۋزيا جانە ترانسفورماتسيا كونفەرەنتسياسىندا.
وتكەن جىلى Amazon كومپانياسى Project Kuiper سپۋتنيكتىك ينتەرنەت قىزمەتتەرىن ىسكە قوسۋ ءۇشىن العاشقى ەكى عارىش سپۋتنيگىنىڭ پروتوتيپتەرىن ۇشىردى.
جالپى Amazon 3200 دەن استام سپۋتنيكتى وربيتاعا شىعارۋدى جوسپارلاعان بولاتىن.
الايدا، جاقىندا كومپانيا Project Kuiper تولىققاندى توپتاماسىن ىسكە قوسۋدى 2024 -جىلدىڭ سوڭىنا شەگەردى.
