قازاقستاندا التىن مەن كۇمىستىڭ قانشا توننا قورى بار

ونەركاسىپ جانە قۇرىلىس مينيسترلىگى ەلىمىزدە بارلانعان التىن مەن كۇمىس قورىنا قاتىستى مالىمەتتى ءبولىستى، دەپ حابارلايدى Kazinform.

«پايدالى قازبالاردىڭ مەملەكەتتىك ەسەبىنىڭ 2023-جىلدىڭ 1- قاڭتارىنداعى مالىمەتىنە سايكەس التىن قورى - 1,4 مىڭ توننا، كۇمىس قورى - 29,1 مىڭ توننا»، - دەپ جاۋاپ بەردى مينيسترلىك اگەنتتىكتىڭ ساۋالىنا.

ۆەدومستۆو مالىمەتىنشە، وتكەن جىلى 9 ايدا ۋاكىلەتتى ۇيىم باعالى مەتالدار مەن اسىل تاستان جاسالعان زەرگەرلىك بۇيىمداردى وندىرەتىن 199 زاڭدى جانە جەكە تۇلعانى تىركەگەن.

«ونىڭ ىشىندە ەلىمىزدە وندىرىلگەن التىن مەن كۇمىستەن زەرگەرلىك بۇيىم جاسايتىن نەگىزگى كاسىپورىندار مىنالار: «قازاقيۋۆەلير» ا ق، «يۋپ جەمچۋجينا» ج ش س، «الماتينسكي يۋۆەليرنىي زاۆود» ا ق، «Aisafy» ا ق، «Diamond Exclusive» ا ق، «ادامانت سەرۆيس» ا ق، «زەرگەر پليۋس» ج ش س، «Kazyna Gold Jewelry» ج ش س، «KY Factory» ج ش س، «Senat Gold» ج ش س، «SILVER PRICe» ج س ش، «يۋف تەنگري گولد» ج ش س، «ADAMY» ج ك، «ت. ر. ز. ك.» ج ك جانە «كريستال- L» ج ك»، - دەپ اتاپ وتەدى مينيسترلىكتەن.