قازاقستاندا الداعى كۇندەرى ۇسىك كۇتىلەدى
استانا. KAZINFORM - سينوپتيكتەر 24، 25-جانە 26-ءساۋىر كۇندەرىنە ارنالعان اۋا رايى بولجامىن ۇسىندى.
رەسپۋبليكانىڭ باسىم بولىگى انتيتسيكلون جوتاسىنىڭ ىقپالىندا بولادى، بۇل وڭىرلەردە جاۋىن-شاشىنسىز اۋا رايى كۇتىلەدى. الايدا تۇنگى ۋاقىتتا سولتۇستىك جانە شىعىس ايماقتاردا 1-3 گرادۋسقا دەيىن ۇسىك جۇرەدى دەپ بولجانۋدا.
«تەك ەلىمىزدىڭ باتىسى مەن سولتۇستىك-باتىسىندا سيكلون جانە ونىمەن بايلانىستى اتموسفەرالىق فرونتتاردىڭ اسەرىنەن تۇراقسىز اۋا رايى ساقتالادى - جاڭبىر، نايزاعاي، بۇرشاق كۇتىلەدى. رەسپۋبليكا بويىنشا جەلدىڭ كۇشەيۋى بولجانىپ وتىر، ال وڭتۇستىك پەن وڭتۇستىك-باتىستا - شاڭدى داۋىل، وڭتۇستىك-شىعىستىڭ تاۋلى ايماقتارىندا - تۇمان بولۋى مۇمكىن»، - دەلىنگەن حابارلامادا.
تەمپەراتۋرا جايلى
24-ساۋىرگە قاراعان ءتۇنى قوستاناي، اقمولا جانە سولتۇستىك قازاقستان وبلىستارىندا اۋا تەمپەراتۋراسى 1-3 گرادۋسقا دەيىن تومەندەپ، ۇسىك كۇتىلەدى؛
24-25-ءساۋىر ارالىعىندا پاۆلودار وبلىسىندا سالقىنداۋ بولادى؛
25-ساۋىردە قاراعاندى وبلىسىندا دا كۇن سۋىتادى؛
25-26-ساۋىرگە قاراعان تۇندە شىعىس قازاقستان جانە اباي وبلىستارىندا 1-6 گرادۋسقا دەيىن ۇسىك بولادى دەپ بولجانۋدا.
ەسكە سالايىق، بۇعان دەيىن قازگيدرومەت ءساۋىر ايىنا ارنالعان كونسۋلتاتيۆتىك اۋا رايى بولجامىن جاريالاعان بولاتىن. ءساۋىر ايىندا قازاقستاندا كۇن جىلىنسا دا، جاۋىن-شاشىن مەن تەمپەراتۋرا اۋىتقۋلارى كۇتىلەدى. ايدىڭ العاشقى ونكۇندىگىندە جاڭبىر، سولتۇستىكتە - قار، كوكتايعاق جانە سەكۋندىنا 20 مەترگە دەيىن جەتەتىن جەل سوعۋى مۇمكىن. اي ورتاسىندا جاڭبىر مەن قار ارالاس جاۋىن-شاشىن بولادى، ال اي سوڭىندا - جاڭبىر جاۋادى. تەمپەراتۋرا تۇندە 5- گرادۋستان كۇندىز 32+ گرادۋسقا دەيىن قۇبىلادى.
