قازاقستاندا العاش رەت وتە سيرەك كەزدەسەتىن تيىن تابىلدى
استانا. KAZINFORM - «تاڭبالى» قورىق- مۋزەيىندە سيرەك كەزدەسەتىن تيىن تابىلدى. بۇل تۋرالى مادەنيەت جانە اقپارات مينيسترلىگى مالىمدەدى.
«تاڭبالى» عىلىمي قىزمەتكەرلەرى حالىقارالىق تاريحي- ارحەولوگيالىق ەكسپەديتسيا وتكەن قوعالى القابىندا قازبا جۇمىستارى كەزىندە سەنساتسيالىق جاڭالىق اشتى. قازاقستاندا العاش رەت وتە سيرەك كەزدەسەتىن تيىن تابىلدى.
تۇركى- سوعدى ەرتە ورتاعاسىرلىق نۋميزماتيكا سالاسىنداعى مامانداردىڭ پىكىرىنشە، بۇل مونەتا VII عاسىردىڭ ورتاسىنان باستاپ قولدانىلعان. ەكسپەديتسيا زەرتتەۋ جۇرگىزگەن كوعالى القابىنىڭ ەسكەرتكىشتەرى VII- VIII عاسىرلاردىڭ العاشقى جارتىسىندا جەتىسۋ جەرىن مەكەندەگەن باتىس تۇرىكتەردىڭ مادەنيەتىنە جاتادى.
قازىر «تاڭبالى» عىلىمي- رەستاۆراتسيالىق زەرتحاناسىندا بىرەگەي ارتەفاكتقا قاتىستى العاشقى كونسەرۆاتسيالىق جۇمىستار جۇرگىزىلىپ جاتىر.
ارحەولوگيالىق قازبا جۇمىستارى ءالى دە جالعاسىپ جاتىر.
