قازاقستاندا العاش رەت قانشا كۇن تۇرسا دا بۇزىلمايتىن جۇمىرتقا شىعارىلادى

استانا. KAZINFORM - قۇنى 12,5 ميلليارد تەڭگە بولاتىن ءىرى جوبانى اقمولا وبلىسىندا «CAPITAL projects LTD» ج ش س ىسكە اسىرىپ جاتىر.

كاسىپورىن «شاڭىراق» كومپانيالار توبىنا كىرەدى، وندا تاۋىق ەتى مەن جۇمىرتقا ءوندىرىسىنىڭ تولىق سيكلى ىسكە اسىرىلادى.

زاۋىت جاڭا شىعارىلعان تاۋىق جۇمىرتقالارىمەن سالىستىرعاندا ساقتاۋ مەرزىمى ۇزاعىراق، اسپازدىق جانە ساپالىق سيپاتتامالارى جاقسىراق قاۋىپسىز پاستەرلەنگەن سۇيىق جانە قۇرعاق جۇمىرتقا وندىرۋگە ماماندانادى.

كاسىپورىننىڭ قۋاتى- تاۋلىگىنە 1 ميلليون جۇمىرتقا.

جوبانى ىسكە اسىرۋ ءۇشىن كومپانيا جۇمىرتقا ونىمدەرىن وندىرۋدە الەمدىك كوشباسشى - Thornico (Sanovo) كومپانياسىمەن كەلىسىمگە قول قويدى.

بۇدان باسقا، جوبانى قارجىلاندىرۋعا مەملەكەتتىك قولداۋ شارالارى پايدالانىلادى.

جۇمىرتقا وندىرىسىنەن باسقا، زاۋىت قۇراما جەم ءوندىرۋ ءۇشىن اۋىل شارۋاشىلىعى داقىلدارىن وسىرۋمەن اينالىسادى.

قازىرگى ۋاقىتتا مايلى داقىلداردى قايتا وڭدەۋ جەلىسىنىڭ قۇرىلىسى جۇرگىزىلۋدە، بۇل جەمشوپ ءوندىرىسىن %25 ارزانداتۋعا مۇمكىندىك بەرەدى.

ايتا كەتەيىك، بيىل قازاقستاندا ىسكە اسىرۋعا جوسپارلانعان 335 جوبانىڭ 66,5 ميلليارد تەڭگە سوماسىنا 82 جوبا ىسكە قوسىلدى.

جاڭا جۇمىرتقا زاۋىتىنىڭ قۇرىلىسى ەلدىڭ اگروونەركاسىپتىك سەكتورىن دامىتۋعا ەلەۋلى ۇلەس بولادى.