قازاقستاندا اۋلانعان كيىكتەردىڭ ەتى، ءمۇيىزى، تەرىسى قانداي ماقساتتا پايدالانىلادى؟
بۇعان دەيىن كيىكتەردى اۋلاۋعا رەسمي تۇردە رۇقسات بەرىلگەنى تۋرالى اقپارات تارادى. «ماسساگەت» وسى ماسەلەگە بايلانىستى ەكولوگيا جانە تابيعي رەسۋرستار مينيسترلىگىنە رەسمي ساۋال جولداپ، اۋلانعان كيىك ەتى قانداي ماقساتتا پايدالانىلاتىنىن سۇرادى.

جاۋاپتى مينيسترلىك مالىمەتىنشە، 2023 -جىلى كيىكتەرگە جۇرگىزىلگەن ساناق بويىنشا ورال پوپۋلياتسياسىنىڭ سانى - 1130000، بەتپاقدالا پوپۋلياتسياسىنىڭ سانى – 745300، ءۇستىرت پوپۋلياتسياسىنىڭ سانى - 39700. قازاقستانداعى كيىكتەردىڭ جالپى سانى 1915000 عا جەتكەن. جىل سوڭىندا كيىكتەردىڭ جالپى سانى كوكتەمگى ءتولىن ەسكەرگەندە، 2,6 ميلليوننان اسادى، ونىڭ ىشىندە ورال تارالىمى 1,6 ميلليون بولادى دەگەن بولجام بار.
اۋلانعان كيىكتىڭ ەتى، تەرىسى قايدا جىبەرىلەدى؟
«اۋلانعان كيىكتەردىڭ ۇشاسى، سونىمەن قاتار، تەرىسى، ىشكى قۇرىلىسىنسىز كەلىسىم شارتقا وتىرعان ەت كومبيناتتارىنا تاپسىرىلادى. ەت كومبيناتتارى كيىكتەردىڭ ۇشاسىن وڭدەۋ ارقىلى ءوز قاجەتى ءۇشىن پايدالانىپ، ساتۋعا قۇقىلى»، - دەلىنگەن مينيسترلىكتىڭ رەسمي جاۋابىندا.
اۋلانعان كيىكتىڭ ءمۇيىزى قايدا جىبەرىلەدى، وعان كىم جاۋاپتى؟
«اۋلانعان كيىكتىڭ ءمۇيىزى باس سۇيەگىنەن كەسىپ الىنىپ، ارنايى ماماندىرىلعان ۇيىم «وحوتزووپروم» ءو ب» ر م ق ك-عا ساقتاۋعا تاپسىرىلادى، كيىكتەردىڭ بارلىق دەريۆاتىن پايدالانۋعا حالىقارالىق كونۆەنتسيا بويىنشا تيىم سالىنعان. كيىك ءمۇيىزىنىڭ ساقتالۋىنا جاۋاپتى ارنايى مامانداندىرىلعان ۇيىم - «وحوتزووپروم» ءو ب» ر م ق ك»، - دەيدى جاۋاپتى ورگان وكىلدەرى.
قانشا كيىكتى اۋلاۋعا رۇقسات بەرىلدى؟
«كيىكتەر پوپۋلياتسياسىن تابيعي ورتادان الۋ بيولوگيالىق نەگىزدەمە بويىنشا جۇرگىزىلەدى. ورال پوپۋلياتسياسى بويىنشا كيىكتەردى تابيعي ورتادان الۋ كوكتەمگى ساناعى بويىنشا سانى 20 پايىزدان اسپاۋى، بەتپاقدالا پوپۋلياتسياسى كوكتەمگى ساناعى بويىنشا 15 پايىزدان اسپاۋى قاجەت»، - دەلىنگەن مينيسترلىكتىڭ رەسمي جاۋابىندا.
كيىكتەر قانداي جولمەن جانەقاي وڭىرلەردە اۋلانادى؟
«بۇگىنگى تاڭدا كيىكتەر سانىن رەتتەۋ كورال سەتكالارىن قولدانا وتىرىپ جۇزەگە اسىرىلادى. ورال پوپۋلياتسياسىنىڭ كيىكتەرىن اۋلاۋ باتىس قازاقستان وبلىسىندا، ال بەتپاقدالا پوپۋلياتسياسى بويىنشا اقمولا، قوستاناي، قاراعاندى وبلىستارىندا جۇزەگە اسىرىلادى»، - دەيدى مينيسترلىك.