قازاقستاندا اجىراسۋ ءۇشىن تولەنەتىن باج قانشالىقتى ءوسۋى مۇمكىن

استانا. KAZINFORM - دەپۋتاتتار نەكەنى بۇزۋ كەزىندەگى تولەنەتىن مەملەكەتتىك باجدى 0,5 ا ە ك-تەن 20 ا ە ك-كە دەيىن كوتەرۋدى ۇسىندى.

- مەنىڭ ويىمشا، كەيبىر دەپۋتاتتاردىڭ ۇسىنىستارى جاقسى باستاما. وسى ورايدا اەك دەڭگەيىن (اجىراسۋعا ءوتىنىم بەرگەندەرگە) تاعى دا كوتەرۋ كەرەك ەكەن دەپ ايتار ەدىم، - دەدى دەپۋتات بەرىك بەيسەنعاليەۆ پارلامەنت ماجىلىسىندە تىلشىلەر سۇراعىنا جاۋاپ بەرە وتىرىپ.

ول مۇنى قازاقستاندىقتاردىڭ جەكە ومىرىنە ارالاسۋ دەپ سانامايتىنىن مالىمدەدى.

- قالاي بولعاندا دا، باجدى كوتەرۋ تۋرالى ۇسىنىس بيۋدجەتتى تولىقتىرۋ ماقساتىندا جاسالمادى. وسى ۇسىنىسقا باستاماشى بولعان دەپۋتاتتاردىڭ ويىنشا، بۇل شەشىم اجىراسۋ الدىندا ادامدار ءبىر ءسات ويلانىپ، سالماقتى شەشىم قابىلداۋى ءۇشىن جاساپ وتىر، ياعني اجىراسۋدا ەموتسياعا سالىنباۋى كەرەك. بۇل تۇرعىدا «1000 تەڭگە، الدە 20-30 ەسە ارتىق تولەيسىڭ بە؟» - ايىرماشىلىق بار. مامانداردىڭ پايىمىنشا، جاڭا قادام (باج سالىعىنىڭ ءوسۋى) اسىعىس شەشىم قابىلداۋعا توسقاۋىل قويۋى ءمۇمىن، - دەدى دەپۋتات.

بۇدان بۇرىن حابارلانعانداي، سالىق كودەكسىنىڭ جاڭا رەداكسياسىندا ق ق س سالىناتىن اينالىمنىڭ تومەنگى شەگىن 40 ميلليون تەڭگە دەپ بەلگىلەۋ ۇسىنىلىپ وتىر.