قازاقستاندا اشىلاتىن Telegram كەڭسەسىندە وتاندىق ماماندارعا باسىمدىق بەرىلەدى

استانا. قازاقپارات - Telegram كومپانياسى ءوز كەڭسەسىن قازاقستان اۋماعىندا رەسمي تىركەدى.

- Telegram كەڭسەسىن اشۋ بويىنشا، ءبىز ولارمەن تىعىز جۇمىس ىستەپ جاتىرمىز. ولار قازاقستاندا جەكە كەڭسە رەتىندە تىركەلدى. ولار قىزمەتكەرلەردى جالدايدى، سونىڭ ەسەبىنەن ەلىمىزدە جوعارى تەحنولوگيالىق پلاتفورمامەن جۇمىسى ءتيىمدى بولا تۇسەدى. ءيا، قىزمەتكەرلەر نەگىزىنەن قازاقستاندىقتار. ءار كومپانيا بوس جۇمىس ورىندارى تۋرالى وزدەرى جاريالايدى، ونى باقىلاۋ كەرەك، - دەدى سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ ۇكىمەت وتىرىسىنان كەيىن وتكەن باسپا ءسوز ءماسليحاتىندا.

ەسكە سالا كەتەيىك، Telegram-نىڭ قازاقستانعا جاۋاپتى كەڭسەسى استانادا اشىلاتىن بولدى.

بۇگىن ۇكىمەتتىڭ سيفرلاندىرۋ جانە جاساندى ينتەللەكت تاقىرىبىنا ارنالعان كوشپەلى وتىرىسى ءوتتى. بەلگىلى بولعانداي، كەلەر جىلدان باستاپ مەملەكەتتىك قىزمەتشىلەر جاساندى ينتەللەكت كۋرسىنان وتەدى.

سونداي-اق، پرەمەر-مينيستر ولجاس بەكتەنوۆ سيفرلىق قىزمەتتىڭ دەنى حالىق ءۇشىن كۇردەلى ەكەنىن ايتىپ، پروتسەستى جەڭىلدەتۋدى جۇكتەدى.

ودان بولەك، ۇكىمەت باسشىسى نەيروندىق جەلىلەر ارقىلى توتەنشە جاعدايلاردى بولجاپ، الدىن الۋ مۇمكىندىگى تۋرالى ايتتى.