قازاقستاندا 9 ميلليون ادام جۇمىس ىستەيدى، ونىڭ 48 پايىزى - ايەلدەر

استانا. قازاقپارات - 2024 -جىلعى I توقسان قورىتىندىسى بويىنشا قازاقستاندا جۇمىسپەن قامتىلعان حالىقتىڭ جالپى سانى - 9 167,3 مىڭ ادام. ونىڭ 51,9 پايىز ەرلەر بولسا، 48,1 پايىز - ايەلدەر.

جاس ساناتتارى بويىنشا جۇمىسشىلاردىڭ ەڭ كوبى 35-44 جاس توبىنا تيەسىلى - 2,5 ميلليون استام ادام.

ودان كەيىن 29-34 جاس ارالىعىنداعى قىزمەتكەرلەر، ولاردىڭ سانى 1,8 ميلليون اسادى.

قىزمەتكەرلەردىڭ جالپى سانىنىڭ 44 پايىزىنىڭ جوعارى جانە جوعارى وقۋ ورنىنان كەيىنگى ءبىلىمى بار، تاعى 50 پايىزىنىڭ تەحنيكالىق نەمەسە كاسىپتىك ءبىلىمى بار.

جۇمىسپەن قامتىلعان حالىقتىڭ جالپى سانىنىڭ 76,2 پايىزى جالدامالى جۇمىسشى بولسا، 23,8 پايىزى - ءوزىن-ءوزى جۇمىسپەن قامتىعاندار.

جالدامالى جۇمىسشىلاردىڭ ەڭ كوبى الماتى قالاسىندا بايقالدى، ولاردىڭ سانى 954,3 مىڭعا جەتەدى.

ال ءوزىن-ءوزى جۇمىسپەن قامتىعاندار اراسىندا وڭىرلەر بولىنىسىندەگى ەڭ جوعارى كورسەتكىش تۇركىستان وبلىسىندا - 374,5 مىڭ ادام (ءوزىن-ءوزى جۇمىسپەن قامتىعاندار سانىنىڭ 17,1 پايىز).

سونىمەن قاتار 51,6 مىڭ ادام قاشىقتان جۇمىس ىستەيدى.

452,7 مىڭ ادام جۇمىسسىز رەتىندە تىركەلگەن.

جۇمىسپەن قامتۋ دەڭگەيى - 95,3 پايىز.