قازاقستاندا 7-سىنىپتان باستاپ جاڭا ءپان ەنگىزىلۋى مۇمكىن

استانا. KAZINFORM - قازاقستاندا مەكتەپ وقۋشىلارىنا 7-سىنىپتان باستاپ جاڭا ءپان قوسىلۋى مۇمكىن. بۇل تۋرالى Jibek joly تەلەارناسىنىڭ جاڭالىقتار قىزمەتىندە ايتتى.

بۇل ۇسىنىستى باس پروكۋرور بەرىك اسىلوۆ ايتتى.

- مەكتەپتەردە 7-سىنىپتان باستاپ «زاڭ جانە ءتارتىپ» اتتى مىندەتتى ءپان ەنگىزۋ كەرەك. بۇل جاسوسپىرىمدەر اراسىنداعى قىلمىس سانىن ازايتۋعا سەپتىگىن تيگىزەدى. سەبەبى ناعىز قاۋىپ - قۇقىقتىق ساۋاتسىزدىقتان باستالادى. بۇل ءپاندى قىزمەتتەگى زاڭگەرلەر مەن قۇقىق قورعاۋ ورگاندارىنىڭ ارداگەرلەرى جۇرگىزۋى ءتيىس. ويتكەنى ولار تەك ءبىلىمدى عانا ەمەس، ومىرلىك تاجىريبەسىمەن دە بولىسە الادى، - دەدى باس پروكۋرور بەرىك اسىلوۆ.

اتالعان ماسەلەنى ۇلتتىق قۇرىلتايدىڭ IV وتىرىسىندا مەملەكەت باسشىسى دا كوتەرگەن بولاتىن.

جاس ءوسپىرىم زاڭنىڭ ءمانىن تۇسىنگەندە تارتىپسىزدىككە بارماۋعا تىرىسادى. ولار العان ءبىلىمىن تەك سىنىپتاستارىمەن عانا ەمەس، وتباسىمەن، كورشىلەرىمەن دە بولىسسە دەيمىز. مۇنداي ساباقتاردىڭ سانالى، جاۋاپتى، زاڭ مەن تارتىپكە قۇرمەتپەن قارايتىن جاس ۇرپاقتى تاربيەلەۋگە كومەكتەسەتىنىنە سەنىمدىمىز، - دەدى ول.

ايتا كەتەلىك «زاڭ جانە ءتارتىپ» قاعيداتى جالپىۇلتتىق قۇندىلىقتار قاتارىنا ەندى.

اۆتور

نازىم بولەسوۆا