قازاقستاندا 238 عانا ەڭبەك ينسپەكتورى بار - مينيستر

ق ر ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا ەڭبەك ينسپەكتورلارى جۇمىسىنىڭ تيىمدىلىگىن ارتتىرۋ جولدارىن ايتتى، دەپ حابارلايدى Kazinform.

«ەلىمىزدە 238 ەڭبەك ينسپەكتورى بار. ەكونوميكا مينيسترلىگىنىڭ ساراپشىلارىمەن جاڭا فۋنكتسيونالدىق ساراپتاما جاسادىق. ولار 10 شتاتتىق بىرلىك قانا بەرىپ وتىر. ياعني 240 بولادى. مەن ءوز تاراپىمنان مەملەكەتتىڭ جاعدايىن جاقسى ءتۇسىنىپ وتىرمىن، ەشقانداي قوسىمشا سۇراعان جوقپىن. قازىر باسقا دا قيىن جاعدايلار رەسپۋبليكادا كوپ»، - دەدى مينيستر Jibek joly تەلەارناسىنىڭ «ۋادە» باعدارلاماسىندا.

ەڭبەك ءمينيسترى مەملەكەتتىك ەڭبەك ينسپەكتورلارىنىڭ سانى كوبەيگەنىمەن، ساپاسى بولۋى ءۇشىن سيفرلىق تەحنولوگيالاردى ەنگىزىپ جاتقانىن ايتتى.

«ەگەر ءبىر كاسىپورىندا ءبىر قىزمەتكەردىڭ ەڭبەگى بۇزىلسا، سول ۇيىممەن موبيلدى قوسىمشا ارقىلى بايلانىسا الادى. ءوز اياعىمەن كاسىپورىندارعا بارۋ قاجەتى جوق. وعان سان دا كەرەگى جوق»، - دەدى س. جاقىپوۆا.

بۇعان دەيىن س. جاقىپوۆا قازاقستاندا بيىل وندىرىستىك قاۋىپسىزدىكتىڭ ساقتالماۋىنان 221 ادام كوز جۇمعانىن ايتقان ەدى.