قازاقستاندا 2,2 ميلليون جەر ءۇي بار، ونىڭ 40 پايىزى - قالادا

استانا. KAZINFORM - ءبىر جىلدا قازاقستاندا تۇرعىن ءۇي قورىنىڭ اۋدانى 3,4 پايىز ءوستى، دەپ حابارلايدى ۇلتتىق ستاتبيۋرو.

2023-جىلى قازاقستانداعى تۇرعىن ءۇي قورىنىڭ جالپى اۋدانى 2022-جىلمەن سالىستىرعاندا 3,4 پايىز ءوسىپ، 419,1 ميلليون كۆادراتمەترگە جەتتى.

ونىڭ ىشىندە:

قالادا - 274,5 ميلليون كۆادراتمەتر

اۋىلدا - 144,5 ميلليون كۆادراتمەتر

تۇرعىن ءۇي قورىنىڭ اۋدانى بويىنشا الماتى قالاسى (54,8 ميلليون كۆادراتمەتر)، تۇركىستان وبلىسى (34,3 ميلليون كۆادراتمەتر) جانە استانا (33,8 ميلليون كۆادراتمەتر) كوش باستاپ تۇر.

قازاقستاندا باس-اياعى 2527809 تۇرعىن ءۇي بار.

باسپانانىڭ ءتۇرى بويىنشا جەكە ۇيلەردىڭ جالپى سانى - 2219826. ونىڭ 40,6 پايىز - قالالىق، 59,4 پايىز - اۋىلدىق جەرلەردە.

كوپپاتەرلى ۇيلەردىڭ سانى - 307983. ونداعى پاتەرلەردىڭ سانى - 5891573 بولدى.