قازاقستاندا 2030-جىلعا دەيىن 15 ميلليارد دوللارعا جاڭا جولدار سالىنادى

жол салу
Фото: Kazinform

استانا. KAZINFORM - قازاقستاندا 2030-جىلعا دەيىن 4,7 مىڭ شاقىرىم جاڭا جول سالىنادى. بۇل تۋرالى كولىك مينيسترلىگىنەن ءمالىم ەتتى.

«كولىك-ترانزيتتىك الەۋەتتى ودان ءارى دامىتۋ جانە كولىك ينفراقۇرىلىمىن جاڭعىرتۋ اياسىندا 2024-2030-جىلدارى كەزەڭىندە جالپى ۇزىندىعى 4,7 مىڭ شاقىرىم بولاتىن جاڭا جوبالاردى كەزەڭ-كەزەڭىمەن ىسكە اسىرۋدى باستاۋ جوسپارلانعان. جوبالاردىڭ بولجامدى قۇنى 15 ميلليارد دوللاردى قۇرايدى جانە 3 كەزەڭدە ىسكە اسىرىلاتىن بولادى»، - دەپ اتاپ وتەدى مينيسترلىك اگەنتتىكتىڭ رەسمي ساۋالىنا بەرگەن جاۋابىندا.

ۆەدومستۆو مالىمەتىنشە، ءبىرىنشى كەزەڭدە جوبالاردى ىسكە اسىرۋدى 2024-جىلدان باستاۋ كوزدەلگەن. وندا مىنا جولداردىڭ قۇرىلىسى باستالادى:

- قىزىلوردا-جەزقازعان (208 شاقىرىم) (ۇلىتاۋ وبلىسى بويىنشا ۋچاسكە)؛

- اقتوبە-قىزىلوردا (742 شاقىرىم) (اقتوبە-ۇلعايسىن - 262 شاقىرىم، قىزىلوردا-سەكسەۋىل - 480 شاقىرىم ۋچاسكەلەرى)؛

- قاراعاندى-جەزقازعان (513 شاقىرىم)؛

- سارىاعاش قالاسىن اينالىپ ءوتۋ (102 شاقىرىم)؛

ەكىنشى كەزەڭدە 2024-جىلدان 2026-جىلعا دەيىنگى كەزەڭدە قۇرىلىس-مونتاجداۋ جۇمىستارىن مىنا ۋچاسكەلەردە باستاۋ جوسپارلانعان:

- اتىراۋ-دوسسور (86 شاقىرىم)؛

- استانا-قوستاناي-ر ف شەكاراسى (830 شاقىرىم)؛

- اتىراۋ-ورال (320 شاقىرىم) (اتىراۋ-يندەر، ورال-چاپايەۆو ۋچاسكەلەرى)؛

- تۇركىستان قالاسىن اينالىپ ءوتۋ (30 شاقىرىم).

ءۇشىنشى كەزەڭ 2026-جىلدان كەيىن ۇزىندىعى 1434 شاقىرىم قالعان جوبالاردى جاڭعىرتۋدى كوزدەيدى.

«قارجىلاندىرۋ تاپشىلىعىن ەسكەرە وتىرىپ، قوزعالىس قارقىندىلىعى تومەن جەكەلەگەن جوبالار بويىنشا قۇرىلىمدى كۇشەيتە وتىرىپ جانە 4 جولاققا دەيىن (پاۆلودار-ۋسپەنكا، سەمەي-بارناۋل - 265 شاقىرىم) كەڭەيتۋ مۇمكىندىگىمەن جوندەۋ جۇرگىزۋ ۇسىنىلادى»، - دەدى كولىك مينيسترلىگىنەن.

سوڭعى جاڭالىقتار