قازاقستاندا 15- شىلدەدەن باستاپ تەمەكى قىمباتتايدى

Қымбат темекіге де байлық салығы салынуы мүмкін
Фото: pixabay.com

 استانا. KAZINFORM - قارجى مينيسترلىگىنىڭ مەملەكەتتىك كىرىستەر كوميتەتى تەمەكىنىڭ بارلىق ءتۇرى قىمباتتايتىنىن ەسكە سالدى.

«2024 -جىلعى 15-شىلدەدەن باستاپ «فيلترلى، فيلترسىز سيگارەتتەرگە، پاپيروستارعا، سيگاريللالارعا جانە قىزدىرىلاتىن تەمەكىسى بار بۇيىمدارعا ەڭ تومەن بولشەك ساۋدا باعالارىن بەلگىلەۋ تۋرالى» قازاقستان رەسپۋبليكاسى قارجى ءمينيسترىنىڭ 2022 -جىلعى 22 اقپانداعى № 196 بۇيرىعىنا وزگەرىس ەنگىزىلەدى» ، - دەپ جازادى كوميتەتتىڭ رەسمي سايتى.

بۇيرىق بويىنشا، بولشەك ساۋدادا تەمەكى ونىمدەرى ءۇشىن مىنانداي ەڭ تومەنگى باعالار قولدانىلادى:

فيلترلى، فيلترسىز سيگارەتتىڭ 20 داناسىنا (ءبىر قورابىنا)، پاپيروسقا، سيگاريللاعا جانە قىزدىرىلاتىن تەمەكىسى بار بۇيىمدارعا:

2024 -جىلعى 15-شىلدەدەن 31-جەلتوقسانعا دەيىن - 820 تەڭگە؛

2025 -جىلعى 1-قاڭتاردان باستاپ - 870 تەڭگە.

ايتا كەتۋ كەرەك، قازىر تەمەكىنىڭ ەڭ تومەنگى باعاسى 770 تەڭگە دەپ بەلگىلەنگەن.

سوڭعى جاڭالىقتار