14:23, 07 - ناۋرىز 2024 | GMT +6
قازاقستاندا 10 ميلليون ايەل بار، ونىڭ 63 پايىزى قالادا تۇرادى
استانا. KAZINFORM - ەلىمىزدەگى نازىك جانداردىڭ سانى - 10 ميلليون 260 مىڭ 057. ۇلتتىق ستاتبيۋرو 8-ناۋرىزعا وراي ارۋلار جايلى ستاتيستيكا ازىرلەدى.
بۇگىنگى تاڭدا ايەلدەردىڭ %63,6 - قالادا، %36,3 - اۋىلدى جەرلەردە تۇرادى.
وڭىرلەر بولىنىسىندە ايەلدەردىڭ باسىم كوپشىلىگى الماتى قالاسىندا — 1196450، تۇركىستان — 1049866 جانە الماتى — 766092 وبلىستارىندا تۇرادى.
جاس قۇرامى بويىنشا:
18 جاسقا دەيىنگى قىزداردىڭ سانى — 3,3 ميلليون.
18 دەن 60 جاسقا دەيىنگىلەردىڭ سانى — 5,3 ميلليون.
60 جانە ودان جوعارى جاستاعى اپا- اجەلەرىمىزدىڭ سانى 1,6 ميلليون.