قازاقستانعا وڭتۇستىك كورەيانىڭ الپاۋىت كومپانيالارىنىڭ وكىلدەرى كەلەدى

استانا. KAZINFORM - كورەيا رەسپۋبليكاسىنىڭ پرەزيدەنتى يۋن سوك ەلدىڭ قازاقستانعا مەملەكەتتىك ساپارىنا وراي 12-ماۋسىم كۇنى ەلوردادا قازاق-كورەي بيزنەس- فورۋمى وتەدى.

الدىن الا مالىمەتتەر بويىنشا فورۋمعا ەكى ەلدىڭ مەملەكەت باسشىلارى، سونداي- اق ىسكەرلىك كەڭەستىڭ تەڭ ءتوراعاسى رەتىندە «سامۇرىق- قازىنا» ا ق باسقارما ءتوراعاسى نۇرلان جاقىپوۆ پەن كورەيانىڭ حالىقارالىق ساۋدا قاۋىمداستىعىنىڭ ءتوراعاسى دجين سيك يۋن قاتىسادى.

پلەنارلىق وتىرىس بارىسىندا Hyundai Motor RussiaCIS وڭىرلىك شتابى باسشىسىنىڭ ورىنباسارى يم دجە ۋ، «Astana Motors» كومپانياسىنىڭ باس ديرەكتورى بەكنۇر نەسىپبايەۆ، Doosan Enerbility ۆيتسە- پرەزيدەنتى يانگ يۋن حو، «قازاقستان تەمىر جولى» ۇ ق» ا ق باسقارما ءتوراعاسىنىڭ ورىنباسارى ءانۋار احمەتجانوۆ جانە باسقا دا ءىرى كومپانيالاردىڭ باسشىلىعى بايانداما جاسايدى.

بيزنەس- فورۋم سوڭىندا ءبىرقاتار كوممەرتسيالىق قۇجاتقا قول قويۋ جوسپارلانعان.

وسىعان دەيىن «سامۇرىق- قازىنا» ا ق بۇل ءىس- شاراعا 50 دەن استام كومپانيا قاتىساتىنىن حابارلاعان ەدى. ولاردىڭ قاتارىندا Samsung, LS Corporation, Posco Holding بار. جالپى، فورۋمعا ەكى ەلدەن 300 گە جۋىق بيزنەس وكىلى قاتىسپاق.

بۇدان بۇرىن حابارلانعانداي، مەملەكەت باسشىسى قاسىم- جومارت توقايەۆتىڭ شاقىرۋىمەن بيىلعى 11-13-ماۋسىم كۇندەرى كورەيا رەسپۋبليكاسىنىڭ پرەزيدەنتى يۋن سوك ەل قازاقستانعا مەملەكەتتىك ساپارمەن كەلەدى.

ەكى ەل باسشىلارى كەلىسسوز جۇرگىزەدى جانە قازاق-كورەي بيزنەس- فورۋمىنا قاتىسادى دەپ جوسپارلانىپ وتىر.