قازاقستانعا ازەربايجان ەيرلەينەس اۋەكومپانياسىنىڭ وكىلدەرى كەلدى

استانا. KAZINFORM - دەرەكتەردى ۇسىنۋ جانە ازاماتتىق اۆياتسياداعى جانە ەكسپەريمەنتتىك اۆياتسياداعى اۆياتسيالىق وقيعالار مەن ينتسيدەنتتەردى تەرگەۋ قاعيدالارىنا سايكەس كولىك مينيسترلىگى اۆياتسيالىق وقيعانى تەرگەۋ جونىندەگى كوميسسيا قۇردى.

ۆەدومستۆونىڭ كولىكتەگى وقيعالار مەن ينتسيدەنتتەردى تەرگەۋ دەپارتامەنتىنىڭ قىزمەتكەرلەرى اۆياتسيالىق وقيعا ورنىندا. تەرگەپ-تەكسەرۋدىڭ قىرداعى كەزەڭى اياسىندا جۇمىستار جۇرگىزىلىپ جاتىر.

ق ر كولىك مينيسترلىگىنىڭ مالىمەتىنشە، قازاقستانعا ازەربايجان رەسپۋبليكاسى ازاماتتىق اۆياتسيا مەملەكەتتىك اگەنتتىگىنىڭ دەلەگاتسياسى، سونداي-اق Azerbaijan Airlines (AZAL) اۆياكومپانياسىنىڭ وكىلدەرى كەلدى. جۇمىستار ازەربايجاننىڭ اۆياتسيالىق بيلىگىمەن بىرلەسە جۇرگىزىلىپ جاتىر.

سونداي-اق، قازاقستانعا Embraer اۋە كەمەسىن ءوندىرۋشى كومپانيا وكىلدەرى جانە CENIPA (اۆياتسيالىق وقيعالاردى تەرگەۋ جانە الدىن الۋ ورتالىعى، برازيليا) ۇشىپ كەلەدى.

اقتاۋ قالاسىنا پرەمەر-ءمينيستردىڭ ورىنباسارى قانات بوزىمبايەۆ باستاعان ۇكىمەتتىك كوميسسيا قۇرامىندا ق ر كولىك ءمينيسترى مارات قارابايەۆ، كولىك ۆيتسە-ءمينيسترى تالعات لاستايەۆ، كولىكتەگى وقيعالار مەن ينسيدەنتتەردى تەرگەۋ دەپارتامەنتىنىڭ ديرەكتورى نۇرجان مالايەۆ، ازاماتتىق اۆياتسيا كوميتەتىنىڭ ءتورايىمى سالتانات تومپيەۆا، «قازاەروناۆيگاتسيا» ر م ك باس ديرەكتورى نۇرجان احمەتوۆ باردى.

ەسكە سالساق، ازەربايجان ەلورداسى باكۋدەن رەسەيدىڭ گروزنىي قالاسىنا باعىت العان Azerbaijan Airlines ۇشاعى قازاقستان اۋماعىندا اپاتقا ۇشىرادى.

اقتاۋداعى ۇشاق اپاتىنىڭ حرونولوگياسى جاريالاندى.

اقتاۋداعى اۋە اپاتىنان مەرت بولعان قازاقستاندىقتار انىقتالدى.

كەيىننەن ۇشاق اپاتىنان قازا تاپقان قازاقستاندىقتاردىڭ وتباسىلارىنا قارجىلاي كومەك كورسەتىلەتىنى ايتىلدى.

اۆتور

ەلميرا ورالبايەۆا