قازاقستانعا 20 گرادۋسقا دەيىنگى اياز قايتا ورالادى

استانا. KAZINFORM - «قازگيدرومەت» سينوپتيكتەرى 8، 9 جانە 10-ناۋرىز كۇندەرىنە ارنالعان اۋا رايى بولجامىن جاريالادى.

35 градус аяз болады: Демалыс күндеріне арналған ауа райы болжамы жарияланды
Фото: Александр Павский/Kazinform

مەتەورولوگتاردىڭ مالىمەتىنشە، كوكتەم باستالعانىنا قاراماستان قازاقستان اۋماعىنا سولتۇستىك-باتىس تسيكلوندارى ءالى دە اسەر ەتىپ جاتىر. سونىڭ اسەرىنەن سولتۇستىكتە قار جاۋىپ، بوران سوعادى، وڭتۇستىكتە جاڭبىر مەن جىلبىسقى قار كۇتىلەدى، سونداي-اق رەسپۋبليكا بويىنشا جەل كۇشەيەدى.

«9-ناۋرىزدان باستاپ باتىستان انتيتسيكلون جىلجىپ، ول قازاقستان اۋماعىنا قاراي تاراعان سايىن جاۋىن-شاشىن توقتاپ، اۋا تەمپەراتۋراسى تومەندەيدى. 10-ناۋرىزدا تۇنگى ۋاقىتتا سولتۇستىك وڭىرلەردە اۋا تەمپەراتۋراسى مينۋس 12-20 گرادۋسقا دەيىن سۋىتادى»، - دەلىنگەن حابارلامادا.

ەسكە سالايىق، بۇعان دەيىن «قازگيدرومەت» ناۋرىز ايىنا ارنالعان اۋا رايى بولجامىن جاريالاعان بولاتىن. سينوپتيكتەردىڭ ايتۋىنشا، كوكتەمنىڭ العاشقى ايى جىلى ءارى جاۋىن-شاشىندى بولادى. ورتاشا تەمپەراتۋرا كليماتتىق نورمادان 2 گرادۋسقا جوعارى بولادى دەپ كۇتىلەدى. ال جاۋىن-شاشىن مولشەرى ەلدىڭ باسىم بولىگىندە نورمادان كوپ، ال وڭتۇستىك پەن وڭتۇستىك-باتىستا شامامەن قالىپتى دەڭگەيدە بولادى.

سوڭعى جاڭالىقتار