قازاقستان يزرايل مەن حاماس اراسىنداعى بەيبىتشىلىك باستاماسىن قولدايدى - ءس ءى م
استانا. KAZINFORM - قازاقستان رەسپۋبليكاسى سىرتقى ىستەر مينيسترلىگى ا ق ش-تىڭ تاياۋ شىعىستاعى احۋالدى تۇراقتاندىرۋ جونىندەگى باستاماسىنا قاتىستى تۇسىنىكتەمە بەردى.
قازاقستان حالىقارالىق قاۋىمداستىقتىڭ تاياۋ شىعىستاعى احۋالدى تۇراقتاندىرۋعا باعىتتالعان كۇش-جىگەرىن بارىنشا قولدايدى.
«اق ءۇيدىڭ يزرايل مەن حاماس اراسىنداعى اتىستى توقتاتۋ، كەپىلگە الىنعان ادامداردى بوساتۋ، گۋمانيتارلىق كومەكتى قامتاماسىز ەتۋ، سونداي-اق حالىقارالىق قوعامداستىقتىڭ قولداۋىمەن گازا سەكتورىن قالپىنا كەلتىرۋ جايلى نەگىزگى ەرەجەلەردەن تۇراتىن بەيبىتشىلىك باستاماسىن قۇپتايمىز.
ۇسىنىلعان شارالار جۇزەگە اسىرىلعان جاعدايدا، ولار بەيبىت تۇرعىنداردىڭ قازاسى مەن قۇرباندار سانىن توقتاتۋعا مۇمكىندىك بەرەدى، سونداي- اق وڭىردە بەيبىتشىلىك ورناۋىنىڭ العىشارتى بولا الادى دەگەن ءۇمىت بىلدىرەمىز»، - دەپ جازدى ۆەدومستۆودان.
ەلىمىزدىڭ س ءى م ۇزاق جىلعا سوزىلعان قاقتىعىستىڭ جالعىز شەشىمى رەتىندە «ەكى حالىق ءۇشىن ەكى مەملەكەت» فورمۋلاسى نەگىزىندە استاناسى شىعىس يەرۋساليم دەپ بەلگىلەنگەن پالەستينا مەملەكەتىن قۇرۋ تۋرالى قازاقستاننىڭ مىزعىماس ۇستانىمىن راستاعان.
اۆتور
اسحات رايقۇل
