قازاقستان يران مەن ورتالىق ازيا اراسىنداعى دوستىققا دانەكەر بولىپ وتىر - مۇحاممەد موحبەر

Мұхаммед Мохбер
Фото: Аkorda.kz

استانا. KAZINFORM - يران پرەزيدەنتىنىڭ مىندەتىن اتقارۋشى مۇحاممەد موحبەر ورتالىق ازيا مەن تەھران اراسىنداعى قارىم-قاتىناستىڭ دامۋىندا قازاقستاننىڭ شەشۋى ءرول ويناپ وتىرعانىن ايتتى.

«ءبىز قازاقستان سياقتى دوس پەيىلدى ەلدەرمەن ءوزارا قارىم-قاتىناسىمىزدى جوعارى باعالايمىز جانە قوناقجايلىعىڭىز ءۇشىن العىس ايتامىز. سىزدەر ءاردايىم يران مەن ورتالىق ازيا ايماعىنىڭ اراسىنداعى ءوزارا دوستىقتى ىلگەرىلەتۋشى ەل بولىپ كەلە جاتىرسىزدار. سىزدەرمەن ارامىزدا وركەنيەتتىك تاريحي بايلانىس بار. ورتالىق ازيا ەلدەرى مەن يران اراسىنداعى ءوزارا قارىم-قاتىناس كەڭەيە تۇسەدى دەپ ۇمىتتەنەمىز»، - دەدى ول «ش ى ۇ+» كەزدەسۋىندە.

سونداي-اق، يران باسشىسى ش ى ۇ ەلدەرىن ساۋدا-ساتتىقتا ۇلتتىق ۆاليۋتانى كوبىرەك پايدالانۋعا شاقىردى.

«ش ى ۇ- نىڭ حالىقارالىق جانە ايماقتىق ءرولىن ارتتىرۋدىڭ ماڭىزدى ءبىر جولى - ەكونوميكالىق قارىم-قاتىناستىڭ قاۋىپسىزدىگىن قامتاماسىز ەتۋ. بۇل تۇرعىدا ساۋدا-ساتتىقتاعى ۇلتتىق ۆاليۋتا ۇلەسىن قولداپ، كەڭەيتۋ وزەكتى. ول ءۇشىن زاماناۋي تەحنولوگيالاردى بەلسەندى پايدالانىپ، بىرلەسىپ جۇمىس ىستەۋىمىز كەرەك»، - دەدى مۇحاممەد موحبەر.

سوڭعى جاڭالىقتار