قازاقستان ينتەرپولدىڭ «كۇمىس بيۋللەتەن» جوباسىن ەنگىزبەك - نۇرداۋلەت سۇيىندىكوۆ

استانا. KAZINFORM - قازاقستان ينتەرپولدىڭ «كۇمىس بيۋللەتەن» جوباسىن ەنگىزبەك.

بۇل جايىندا باس پروكۋراتۋرا جانىنداعى اكتيۆتەردى قايتارۋ كوميتەتىنىڭ ءتوراعاسى نۇرداۋلەت سۇيىندىكوۆ Jibek Joly تەلەارناسىنىڭ «قايتارىلۋى ءتيىس» دەرەكتى فيلمىندە ايتتى.

ونىڭ اتاپ وتۋىنشە، اتالعان جوبانىڭ ارقاسىندا شەتەلدەگى اكتيۆتەردى ءتيىمدى قاداعالاۋعا مۇمكىندىك تۋىندايدى.

«ەگەر بۇعان دەيىن ادامعا كارتوچكا قويىلسا، ەندىگى ۋاقىتتا بۇل كارتوچكا اكتيۆتەرگە ورناتىلاتىن بولادى جانە دە سول اكتيۆتى بۇكىل الەم بويىنشا ءوزىنىڭ شارالارىمەن ىندەتىپ وتىرادى. ينتەرپولدىڭ بۇل جوباسى „كۇمىس بيۋللەتەن“ دەپ اتالادى. ول بىرتىندەپ ەنگىزىلەدى جانە ءبىز، باس پروكۋراتۋرانىڭ اكتيۆتەردى قايتارۋ كوميتەتى اتالعان جوبانى جۇزەگە اسىراتىن جۇمىس توبىندا ءوزىمىزدىڭ جەكە مۇشەلىگىمىزدى الدىق. ءدال قازىر ءبىزدىڭ وكىلىمىز ەۋروپادا ءجۇر. ەۋروپا كەڭەسى بىزگە بارىپ، ەكى ەلدىڭ - شۆەيتساريا مەن بەلگيانىڭ اكتيۆتەردى قايتارۋ جونىندەگى تاجىريبەسىن زەردەلەۋگە كومەك كورسەتتى. بۇگىندە شەتەلدەن قايتارىلعان اكتيۆتەرگە قاتىستى سيفر - شامامەن 700 ميلليون دوللار»، - دەدى نۇرداۋلەت سۇيىندىكوۆ.

ايتا كەتەيىك، ق ر پرەزيدەنتىنىڭ تەلەراديوكەشەنى «قايتارىلۋى ءتيىس» دەپ اتالاتىن العاشقى دەرەكتى فيلمىن ازىرلەدى.

وندا ق ر پرەزيدەنتى اكىمشىلىگىنىڭ باسشىسى ايبەك دادەباي، ادىلەت ءمينيسترى ازامات ەسقارايەۆ، باس پروكۋراتۋرا جانىنداعى اكتيۆتەردى قايتارۋ كوميتەتىنىڭ ءتوراعاسى نۇرداۋلەت سۇيىندىكوۆ ەلدەن زاڭسىز شىعارىلعان اكتيۆتەردى قايتارۋ پروتسەسى جانە قول جەتكىزىلگەن ناتيجەلەر جايىندا باياندايدى.