قازاقستان يمپورتتاۋشىلارى تەڭگە باعامىنا قالاي اسەر ەتتى - ساراپشى
استانا. KAZINFORM -قازاقستان قارجىگەرلەرى قاۋىمداستىعىنىڭ جەتەكشى ساراپشىسى زارينا سكريپچەنكو وتكەن اپتادا تەڭگە باعامىنا قانداي فاكتورلار اسەر ەتكەنىن ايتىپ، الداعى اپتاعا بولجام جاسادى.
وسى اپتادا ۇلتتىق ۆاليۋتانىڭ ايىرباس باعامى ءبىر دوللار ءۇشىن 0,6 پايىزعا، 442,02 تەڭگەگە دەيىن.
زارينا سكريپچەنكونىڭ ايتۋىنشا، بۇعان الەمدىك شيكىزات نارىعىنداعى سۇرانىس پەن ۇسىنىستىڭ تەپە- تەڭدىگى تۋرالى داۋلى پىكىرلەر اياسىندا مۇناي باعامىنىڭ قۇبىلمالىلىعى، سونداي- اق فەدەرالدى رەزەرۆتىڭ مۇنان ءارى اقشا-نەسيە ساياساتىنىڭ بەلگىسىزدىگىنە جاۋاپ رەتىندە ا ق ش دوللارى يندەكسىنىڭ اۋىتقۋى ىقپال ەتتى.
«جەرگىلىكتى نارىقتا قازاقستاندىق كومپانيالار تاراپىنان يمپورتتىق كەلىسىمشارتتاردى (2024 -جىلعى I توقساندا 13 ميلليارد دوللار) جانە سىرتقى بورىشتى وتەۋ/قىزمەت كورسەتۋ (2024 -جىلعى II توقساندا 6,5 ميلليارد دوللار)، سونداي- اق ۇلتتىق بانكتىڭ ءبىرىڭعاي جيناقتاۋشى زەينەتاقى قورىنىڭ ۆاليۋتالىق اكتيۆتەرىن (مامىردا 450-500 ميلليون دوللار شاماسىندا) تولىقتىرۋ ماقساتىندا ساتىپ الۋدى جۇزەگە اسىرۋ ءىس-قيمىلىنىڭ ناتيجەسىندە شەتەلدىك ۆاليۋتاعا سۇرانىستىڭ ارتقانى بايقالادى»، - دەدى ساراپشى.
ول كەلەسى اپتادا قازاقستاندىق ەكسپورتتاۋشى كومپانيالاردىڭ توقساندىق سالىق كەزەڭىنە دايىندىق باستاۋى تەڭگەنىڭ نىعايۋىنا ىقپال ەتۋى مۇمكىن ەكەندىگىن ايتادى. ال سالىق كەزەڭىنىڭ شىرقاۋ ءساتى 27-مامىرعا جالعاسادى.
