قازاقستان ىشكى جالپى ءونىمنىڭ قانشا پايىزىن قورعانىسقا جۇمسايدى

استانا. KAZINFORM - قورعانىس مينيسترلىگى Kazinform ساۋالىنا جولداعان جاۋابىندا اسكەري تەحنيكا جوندەيتىن بولىمدەردىڭ سانىن ارتتىرۋ جوسپاردا بار ەكەنىن ءمالىم ەتتى.

«اسكەري تەحنيكانى جوندەۋ مۇمكىندىكتەرىن ارتتىرۋ ءۇشىن قارۋلى كۇشتەر قۇرىلىمىنان جوندەۋ- قالپىنا كەلتىرۋ جۇمىسىنا ماماندانعان بەس جاڭا ءبولىم (الماتى، اقتاۋ، تەمىرتاۋ، قونايەۆ جانە گۆاردەيسك قالاسىندا) جاساقتالىپ جاتىر. بۇگىنگى تاڭدا قارۋلى كۇشتەرىمىز قارۋ-جاراقتىڭ، اسكەري تەحنيكانىڭ جانە وزگە دە ماتەريالدىق رەسۋرستاردىڭ نەگىزگى تۇرلەرىمەن قامتاماسىز ەتىلگەن. بۇل قازىرگى سىن-قاتەر مەن مەملەكەت قاۋىپسىزدىگىنە ءتونۋى مۇمكىن قاۋىپكە بارىنشا راتسيونالدى جاۋاپ بەرۋگە مۇمكىندىك جاسايدى» دەپ جازادى مينيسترلىكتەن.

مينيسترلىك مالىمەتىندە ەلدىڭ قورعانىس سالاسىنا بولىنەتىن اقشانىڭ كولەمى دە ايتىلعان.

«ۇلتتىق جانە وڭىرلىك قاۋىپسىزدىكتى نىعايتۋ مۇددەسىندە باسقا مەملەكەتتەرمەن اسكەري جانە اسكەري-تەحنيكالىق ىنتىماقتاستىق اياسى كەڭەيىپ كەلەدى. قورعانىس مينيسترلىگى يندۋستريا جانە قۇرىلىس مينيسترلىگىمەن بىرلەسىپ، سونداي-اق اسكەري- ونەركاسىپ كەشەنى كاسىپورىندارىنىڭ باسشىلارىن تارتا وتىرىپ، قارۋ- جاراق پەن اسكەري تەحنيكانى ساتىپ الۋدى مەملەكەتتىڭ اسكەري- ەكونوميكالىق قاۋىپسىزدىگى مەن اسكەري ءونىمدى جەتكىزۋدىڭ جاڭا نارىقتارىن ىزدەۋ قاجەتتىگىن ەسكەرە وتىرىپ، ءارتاراپتاندىرۋ باعىتىندا جۇيەلى جۇمىس جۇرگىزىپ جاتىر. قولدانىستاعى قارۋ-جاراق پەن اسكەري تەحنيكا پاركىن تەحنيكالىق تۇرعىدان قامتاماسىز ەتۋ جانە جوندەۋ، زاماناۋي قارۋ- جاراق پەن اسكەري تەحنيكانىڭ، وق- ءدارى ءوندىرىسىن دامىتۋ جانە وقشاۋلاۋ ماسەلەسى پىسىقتالىپ جاتىر. مەملەكەتتىك قورعانىس تاپسىرىسىن ەسكەرە وتىرىپ، قورعانىس شىعىنىن قارجىلاندىرۋعا ج ءى و- ءنىڭ شامامەن 1 پايىزى جۇمسالادى» دەپ جازىلعان مينيسترلىك جاۋابىندا.