قازاقستان ونلاين قىزمەت كورسەتۋدەن الەم بويىنشا 8- ورىندا - باعدات مۋسين
الماتى. KAZINFORM - قازاقستان ونلاين قىزمەت كورسەتۋدەن الەمدە 8-ورىندا تۇر. بۇل تۋرالى «Digital Almaty-2024»: «Industry X: بولاشاقتىڭ سيفرلىق ەۆوليۋتسياسى» VI سيفرلىق فورۋمى بارىسىندا باعدات مۋسين ايتتى.
ونىڭ ايتۋىنشا، ەلىمىزدە قىزمەت تۇرلەرىنىڭ 93 پايىزى ەلەكتروندى تۇردە كورسەتىلىپ جاتىر.
«ب ۇ ۇ رەيتينگى بويىنشا قازاقستان ونلاين قىزمەتتەردى ۇسىنۋ بويىنشا 8-ورىندا، ال «ەلەكتروندىق ۇكىمەتتى» دامىتۋ بويىنشا 28-ورىنعا ورنىقتى. قازىر قازاقستاندىقتار اۆتوكولىكتى ۇيدەن شىقپاي-اق 5 مينۋتتا تىركەي الادى. تۇرعىنداردىڭ 85 پايىزى قولما-قول اقشاسىز ەسەپ ايىرىسادى. بۇگىندە مەملەكەتتىك قىزمەتتەردىڭ 93 پروتسەنتى ەلەكتروندى فورماتتا كورسەتىلەدى. 50 ميلليون انىقتاما سيفرلىق فورماتقا كوشىرىلگەن»، - دەپ اتاپ ءوتتى باعدات مۋسين.
ايتا كەتەيىك، الماتىدا «Digital Almaty: X يندۋسترياسى - بولاشاقتىڭ سيفرلىق ەۆوليۋتسياسى» اتتى سيفرلىق فورۋم ءوتىپ جاتىر. سيفرلىق ءىس-شاراعا 30 مىڭنان استام ادام قاتىسىپ جاتىر.
