قازاقستان پوليتسياسى كۇنىنە وراي نۇر الەم سفەراسى جاعىلدى

استانا. KAZINFORM - استانادا EXPO كەشەنىندەگى «نۇر الەم» سفەراسى جانە «قازاقستان تەمىر جولى» عيماراتى قازاقستان پوليتسياسىنىڭ كۇنىنە وراي جاعىلدى، دەپ حابارلايدى Polisia.kz.

ەلىمىزدىڭ ءتارتىپ ساقشىلارى وزدەرىنىڭ كاسىبي مەرەكەلەرىن 23-ماۋسىمدا اتاپ وتەدى.

پوليتسيا جۇمىسى - بۇل قىلمىسپەن كۇرەس، قيىن ساتتە كومەككە مۇقتاج جانعا قول ۇشىن سوزۋ.

رەسپۋبليكا بويىنشا كۇن سايىن 14 مىڭنان استام پوليتسيا قىزمەتكەرى مەن ۇلتتىق ۇلاننىڭ اسكەري قىزمەتشىلەرى قوعام تىنىشتىعى مەن ازاماتتاردىڭ قاۋىپسىزدىگىن قامتاماسىز ەتەدى.

تاۋەلسىزدىك جىلدارىندا ىشكى ىستەر ورگاندارىنىڭ 817 قىزمەتكەرى قىزمەت بابىندا قازا تاپتى.