قازاقستان UFC-دە داعىستاننىڭ ورنىن باسىپ كەلەدى
استانا. KAZINFORM - ارالاس جەكپە-جەك تۋرالى جازاتىن LudisChartaMMA رەسۋرسى UFC تىزىمىندە قازاقستاندىق بوكسشىلار سانىنىڭ كوبەيگەنىن اتاپ ءوتتى، دەپ حابارلايدى Sports.kz.
سپورت شولۋشىسى جەڭىل سالماقتاعى ديۆيزيونعا بەكزات الماحانوۆتىڭ تىركەلۋىنە بايلانىستى جاڭالىققا وسىنداي پىكىر ءبىلدىردى.
«ءبىرىنشى تولقىن داعىستان بولدى. قازىر كوپتەگەن قازاقستاندىق بوكسشىلاردىڭ UFC-گە جولداما الىپ جاتقانىن كورىپ ءجۇرمىز. وسى جولى ازات ماقسۇمدى UFC Vegas 85 تۋرنيرىنەن كورەمىز. شاۆكات راحمونوۆ 2024 -جىلى «التىنعا» تالاسادى»، - دەپ جازدى ول X الەۋمەتتىك جەلىسىندە.
ەستەرىڭىزگە سالا كەتەيىك، قازاقستاندىق UFC ارالاس جەكپە-جەك شەبەرلەرىنىڭ تىزىمىندە اسۋ المابايەۆ، سەرگەي موروزوۆ جانە ماريا اگاپوۆا دا بار. سوڭعى ەكەۋى ءتۇرلى سەبەپتەرمەن كوپتەن بەرى جەكپە-جەك وتكىزبەگەن.
