قازاقستان تۋريزم سالاسىنداعى حالىقارالىق سىيلىققا يە بولدى

استانا. قازاقپارات - Kazakh Tourism كومپانياسى ساۋد ارابياسى، ب ا ءا، سەربيا، وڭتۇستىك كورەيا، وڭتۇستىك افريكا، تايلاند جانە يرلانديا ەلدەرىنىڭ وپەراتورىمەن بىرگە Uzakrota Travel Awards سىيلىعىن يەلەندى.

Kazakh Tourism تاراتقان مالىمەتكە سەنسەك، بۇل سىيلىق ەلدىڭ حالىقارالىق تۋريستىك ارەناداعى بەدەلىن ارتتىرۋعا قوسقان ۇلەسى ءۇشىن بەرىلەدى.

بۇل سىيلىق نوميناتتارعا تۇركيانىڭ ىستامبۇل قالاسىندا وتكەن Uzakrota Travel Summit 2024 حالىقارالىق ءسامميتى كەزىندە تابىستالعان. جالپى ءىس- شارادا 40 اتالىم بويىنشا جىل سايىنعى ماراپاتتار تابىستالعان.

Uzakrota Travel Awards تۋريزم مەن ساياحات سالاسىنداعى تەڭدەسسىز جەتىستىكتەردى باعالاپ، دارىپتەۋدى كوزدەيتىن حالىقارالىق باستاما بولىپ ەسەپتەلەدى. بۇل سىيلىق 2010 -جىلدان بەرى بەرىلىپ كەلەدى. قازاقستان بيىل ءبىرىنشى رەت وسى سىيلىق جەڭىمپازى اتانعان.

اۆتور
ەسىمجان ناقتىباي