قازاقستان تۋريستىك باعىتتار تىزىمىندە 119 ەل اراسىنان 52-ورىنعا شىقتى
استانا. KAZINFORM - جۋىردا دۇنيەجۇزىلىك ەكونوميكالىق فورۋمنىڭ ساياحات جانە ءتۋريزمدى دامىتۋ بويىنشا جاريالانعان رەيتينگىندە قازاقستان تۋريستىك باعىتتار تىزىمىندە 119 ەل اراسىنان 52-ورىندى يەلەندى.
بۇل تۋرالى بۋراباي اۋدانىنداعى «Discovery Borovoe» قوناق ۇيىندە ق ر تۋريزم جانە سپورت ءمينيسترى ەرمەك مارجىقپايەۆ اقمولا وبلىسىنىڭ بيزنەس- قوعامداستىعىمەن كەزدەسۋ بارىسىندا ايتتى.
جيىندا جازعى تۋريستىك ماۋسىمعا دايىندىق ماسەلەسى پىسىقتالدى.
«جۋىردا دۇنيەجۇزىلىك ەكونوميكالىق فورۋمنىڭ ساياحات جانە ءتۋريزمدى دامىتۋ بويىنشا جاريالانعان رەيتينگىندە قازاقستان تۋريستىك باعىتتار تىزىمىندە 119 ەل اراسىنان 52-ورىندى يەلەندى. قازاقستان ازەربايجان (56)، وزبەكستان (78)، قىرعىزستان (102) سياقتى ەلدەردى باسىپ وزىپ، ورتالىق ازياداعى ەڭ جوعارى كورسەتكىشكە يە بولدى»، -دەلىنگەن حابارلامادا.
ايماقتاعى تاعى ءبىر ماڭىزدى باعىتتىڭ ءبىرى - اۋىل تۇرعىندارىن جۇمىسپەن قامتي وتىرا، اگروتۋريزم سالاسىن دامىتۋ.
«قارجىلاندىرىلعان جوبالاردىڭ ناتيجەسىن قارايتىن بولساق، دۇرىس باعىتتا كەلە جاتقانىمىزعا كوز جەتكىزۋگە بولادى. بۇل شارالار ءوڭىردىڭ ودان ءارى ءوسىپ- وركەندەۋىنە وڭ اسەر ەتەتىنىنە سەنىمدىن»، - دەدى ق ر تۋريزم جانە سپورت ءمينيسترى ەرمەك مارجىقپايەۆ.
تۋريزم جانە سپورت ءمينيسترى اقمولا وبلىسىندا ءتۋريزمنىڭ بارلىق سالاسى دامىپ كەلە جاتقانىن، ونىڭ ىشىندە ءوڭىر ەمدەۋ-ساۋىقتىرۋ، رەكرەاتسيالىق جانە تابيعي- لاندشافتىق تۋريزم ورتالىعىنا اينالعانىن اتاپ ءوتتى. ازاماتتار مەن تۋريستەر اراسىندا قاۋىپسىزدىكتى ساقتاۋ دا وتە ماڭىزدى دۇنيە ەكەنى ايتىلدى.
