قازاقستان تۋريستەرى اراسىندا تانىمال باعىتتار قانداي
استانا. KAZINFORM - تۋريزم جانە سپورت مينيسترلىگى قازاقستان تۋريستەرى اراسىندا تانىمال تۋريستىك باعىتتاردى اتادى.
«تۋريستىك قامقور» كورپوراتيۆتىك قورىنىڭ اقپاراتىنا سايكەس، 2023 -جىلدىڭ قورىتىندىسىندا قازاقستاندىق تۋريستەر اراسىندا كەلەسى باعىتتار تانىمال بولدى: ۆەتنام، تايلاند، تۇركيا، مىسىر، بىرىككەن اراب امىرلىكتەرى. سونداي- اق، قوردىڭ مالىمەتىنشە، قازاقستاندىقتار ءتۋريزمنىڭ جاعاجاي ءتۇرىن ارتىق كورەدى. بيىل دا جوعارىدا اتالعان ەلدەر تۋريستەر اراسىندا تانىمال باعىت بولىپ قالا بەرەدى. سونىمەن قاتار قاتار، مالايزيا، كورەيا، حاينان ارالى جاڭا باعىتتارى تانىمال بولا باستادى»، - دەپ اتاپ ءوتتى مينيسترلىكتەن اگەنتتىكتىڭ رەسمي ساۋالىنا وراي.
ەسكە سالساق، بۇعان دەيىن تۋريزم جانە سپورت مينيسترلىگى ماڭعىستاۋ وبلىسىنداعى «كەندىرلى» حالىقارالىق كۋرورتىن دامىتۋ جوباسىنىڭ توقتاتىلۋ سەبەبىن اتاعان ەدى.
