«قازاقستان» تەلەراديوكورپوراتسياسى ەسكى ءان-كۇيلەردى قامتيتىن اۋديوجيناق شىعارادى

«Қазақстан» телерадиокорпорациясы ескі ән-күйлерді қамтитын аудиожинақ әзірлеп жатыр
فوتو: ۆيدەودان سكرين

استانا. KAZINFORM - «قازاقستان» تەلەراديوكورپوراتسياسى ەسكى ءان-كۇيلەردى قامتيتىن «اسىل مۇرا» اۋديوجيناعىن ازىرلەپ جاتىر.

اتالعان تەلەراديوكورپوراتسيانىڭ مالىمەتىنشە، بۇل جيناققا بۇرىن جارىققا شىقپاعان، «التىن قوردا» ساقتالعان 1000 نان استام شىعارما ەنبەك.

اۋديوكىتاپ «كۇيلەر»، «جىر- تەرمەلەر»، «حالىق جانە حالىق كومپوزيتورلارىنىڭ اندەرى»، «ەرتەگىلەر»، «بەسىك جىرى» جانە «رەترو اندەر» بولىمدەرىنەن تۇرادى. مىسالى، جيناققا كۇي اناسى دينا نۇرپەيىسوۆانىڭ ءوز ورىنداۋىنداعى كۇيلەر كىرسە، «حالىق جانە حالىق كومپوزيتورلارىنىڭ اندەرى» بولىمىندە امىرە قاشاۋبايەۆتىڭ ءوز اۋزىنان 1925 -جىلى جازىپ الىنعان «بالقاديشا» ءانى بار.

جوبانىڭ ەرەكشەلىگى، بارلىق اۋديوفايل Spotify ،iTunes ،Yandex Music سەكىلدى الەمدىك پلاتفورمالارعا جانە «قازاقستان» تەلەراديوكورپوراتسياسىنىڭ altynqor.com سايتىنا جۇكتەلەدى.

سوڭعى جاڭالىقتار