قازاقستان Tik Tok-تى بۇعاتتاي ما - ا. بالايەۆانىڭ جاۋابى

استانا. KAZINFORM - مادەنيەت جانە اقپارات ءمينيسترى ايدا بالايەۆا Tik Tok-تى بۇعاتتاۋ تۋرالى ۇسىنىستارعا پىكىر ءبىلدىردى.

«بۇعاتتالعاندا، ءبىز كورشى ەلدەردىڭ تاجىريبەسىن قاراپ وتىرمىز. قازىرگى تاڭدا الەۋمەتتىك جەلىدەگى ماتەريالداردا قۇقىق بۇزۋ فاكتىلەرى وتە كوبەيىپ كەتتى. ونى وزدەرىڭىز دە كورىپ وتىرسىزدار. ونىڭ ءبارى ۇلتتىق قاۋىپسىزدىگىمىزگە ىقپال ەتسە، البەتتە، وسىنداي شارالاردى قابىلداۋعا تۋرا كەلەدى. بۇل شەشىلگەن دۇنيە ەمەس. ءالى قاراستىرىلىپ، ودان كەيىن جالپى تالقىلاۋعا شىعارىلاتىن ماسەلە»، - دەدى مينيستر ءماجىلىستىڭ جالپى وتىرىسىنان كەيىن ب ا ق وكىلىنىڭ ساۋالىنا بەرگەن جاۋابىندا.