قازاقستان تەاترلارىنىڭ ت م د ەلدەرى اراسىندا بەدەلى جوعارى - ەربول حابىلبەكوۆ

استانا. KAZINFORM - قازاقستان تەاتر ونەرىنىڭ ت م د ەلدەرى اراسىنداعى بەدەلى جوعارى. بۇل تۋرالى Kazinform تىلشىسىنە ق·قۋانىشبايەۆ اتىنداعى قازاق ۇلتتىق مۋزىكالىق دراما تەاترىنىڭ ديرەكتورى ەربول حابىلبەكوۆ ايتتى.

- ت م د ەلدەرىن العاندا، قازاق تەاترلارى بەلسەندى جانە الدىڭعى قاتارىندا ەكەنىن سەنىممەن ايتا الامىن. مىسالى، وتكەن جىلى قىرعىزستاندا ارت وردو اتتى حالىقارالىق فەستيۆال ءوتتى، سوندا تەاتر ۇجىمى «قوزى كورپەش - بايان سۇلۋ» سپەكتاكلىمەن گران-پري جۇلدەسىن ۇتىپ الدى. سونىمەن قاتار، قازاقستاننىڭ باسقا دا تەاترلارى حالىقارالىق ساحنادا ۇنەمى ۇلكەن جەتىستىكتەرگە جەتىپ جۇرگەنى بەلگىلى، - دەيدى تەاتر باسشىسى.

تەاتردىڭ جەتىستىكتەرىنە قاتىستى تەاتر ءارتىسى، قوعام قايراتكەرى قۋاندىق قىستىقبايەۆ تا پىكىر ءبىلدىردى.

ءارتىس تەاتردىڭ بولاشاعى تۋرالى ويلارىن ءبولىستى. ونىڭ ايتۋىنشا، تەاتردىڭ جەتىلۋى ءۇشىن رەجيسسەرلەر سانى جەتكىلىكسىز بولىپ وتىر.

- بىزگە رەجيسسەر كادرلاردىڭ سانىن كوبەيتۋ قاجەت. بۇرىن بۇل سالادا مامانداردىڭ بەلسەندىلىگى جوعارى ەدى، الايدا قازىر ولاردىڭ قاتارى سيرەپ قالعانى سەزىلەدى. بۇل باعىتتا كوبىرەك مامان تاربيەلەۋىمىز كەرەك. تەك سول كەزدە عانا حالىقارالىق ارەنادا ءوز ورنىمىزدى نىقتاي الامىز، - دەپ اتاپ ءوتتى قۋاندىق قىستىقبايەۆ.

ايتا كەتەيىك، 11-قىركۇيەكتە قاليبەك قۋانىشبايەۆ اتىنداعى قازاق ۇلتتىق مۋزىكالىق دراما تەاترىنىڭ 34- ماۋسىمى باستالدى.

جاڭا ماۋسىم شىمىلدىعى ءداستۇرلى تۇردە م. اۋەزوۆتىڭ «اباي» قويىلىمىمەن اشىلدى.

اۆتور
دانا نۇرباقىت