قازاقستان تاريحىندا ءۇشىنشى رەت اليمەنت تولەمەگەن اكە قىلمىستىق جازا ارقالاپ، ءبىر جىلعا سوتتالدى
اليمەنت تولەۋدەن قاساقانا جالتارىپ، جۇمىس ىستەۋدەن باس تارتقان شىعىس قازاقستان وبلىسىنىڭ تۇرعىنىن سوت ءبىر جىل ەكى ايعا باس بوستاندىعىنان ايىردى، دەپ حابارلايدى Kazinform.
رەسپۋبليكالىق جەكە سوت ورىنداۋشىلارى پالاتاسى ءمالىم ەتكەندەي، بورىشكەرگە باس بوستاندىعىنان ايىرۋ جازاسى سوت ورىنداۋ تاريحىندا ءۇشىنشى رەت بولىپ وتىر.
كوپ جاعدايدا قىلمىستىق جاۋاپكەرشىلىك باس بوستاندىعىن شەكتەۋمەن اياقتالادى، ويتكەنى ماجبۇرلەۋ شاراسىنان كەيىن ادام قارىزىن وتەيدى.
كوكتەمدە تۇركىستان وبلىسىنىڭ تۇرعىنى ءبىر جىل 10 ايعا باس بوستاندىعىنان ايىرىلدى.
ال ورىندالۋ تاريحىندا ءبىرىنشى جاعداي 2021-جىلدىڭ قازان ايىندا قوستاناي وبلىسىندا تىركەلگەن.
ەستەرىڭىزگە سالا كەتەيىك، ادام قىلمىستىق جازاعا تارتىلسا دا، ونىڭ بالاسىنا اليمەنت تولەۋ مىندەتى جويىلمايدى.
بالاعا اليمەنت، ەرتە مە، كەش پە، تولەنۋى كەرەك.
