قازاقستان سىرتقى ىستەر ءمينيسترى مينسك قالاسىنا ساپارلايدى
استانا. KAZINFORM - قازاقستان سىرتقى ىستەر ءمينيسترى مۇرات نۇرتىلەۋ تاۋەلسىز مەملەكەتتەر دوستاستىعى مينيسترلەرى كەڭەسىنىڭ وتىرىسىنا قاتىسادى.
بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى.
«2024 -جىلعى 12-ساۋىردە مينسك قالاسىندا قازاقستان رەسپۋبليكاسى پرەمەر- ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ تاۋەلسىز مەملەكەتتەر دوستاستىعى سىرتقى ىستەر مينيسترلەرى كەڭەسىنىڭ كەزەكتى وتىرىسىنا قاتىسادى. ءىس- شارا بارىسىندا وڭىرلىك جانە حالىقارالىق كۇن ءتارتىبىنىڭ وزەكتى اسپەكتىلەرىن، ت م د اياسىنداعى ءوزارا ءىس- قيمىلدىڭ جاي- كۇيى مەن پەرسپەكتيۆالارىن تالقىلايدى»، - دەدى ا. سمادياروۆ ۆەدومستۆوداعى اپتالىق باسپا ءسوز ءماسليحاتىندا.
سىرتقى ىستەر مينيسترلەرى كەڭەسىنىڭ وتىرىسىندا ساياسي جانە مادەني- گۋمانيتارلىق سالالارداعى، تۋريزم جانە سپورت سالاسىنداعى ءوزارا ءىس- قيمىلدى نىعايتۋعا باعىتتالعان ءبىرقاتار شەشىمدەر قابىلداۋ، سونداي- اق ت م د مەملەكەتتەرى باسشىلارىنىڭ قاراۋىنا ەنگىزۋ ءۇشىن قۇجاتتاردىڭ جوبالارىن ماقۇلداۋ ەسكەرىلگەن.
«سونىمەن قاتار، سىرتقى ساياسي ۆەدومستۆولارىنىڭ باسشىلارى ءبىرقاتار بىرلەسكەن مالىمدەمەلەر قابىلداۋدى جوسپارلاپ وتىر»، - دەدى رەسمي وكىل.
