قازاقستان سيفرلىق باسەكەگە قابىلەتتىلىك رەيتينگىندە توپ-35 ەلدىڭ قاتارىنا ەندى

IMD World Digital Competitiveness 2024 حالىقارالىق رەيتينگىنىڭ دەرەكتەرىنە سايكەس، قازاقستان الەمنىڭ 67 ەلى ىشىندە 34-ورىنعا تۇراقتاپ، سيفرلىق باسەكەگە قابىلەتتىلىك سالاسىنداعى ءوز پوزيتسياسىن ساقتاپ قالدى.

بۇل رەيتينگ ەلدەردىڭ سيفرلىق تەحنولوگيالاردى دامىتىپ، ولاردى ەكونوميكالىق ترانسفورماتسيانى جەدەلدەتۋ مەن ازاماتتاردىڭ ءومىر ءسۇرۋ ساپاسىن ارتتىرۋ ءۇشىن قولدانۋ قابىلەتىن باعالايدى.

نەگىزگى باعىتتار بويىنشا:

ءبىلىم جانە ادامي كاپيتال - 33-ورىن (سيفرلىق داعدىلار، كادر دايارلاۋ، عىلىم)؛

تەحنولوگيالىق دامۋ - 46-ورىن (رەتتەۋشىلىك، ينۆەستيتسيا، ينفراقۇرىلىم)؛

بولاشاققا دايىندىق - 27-ورىن (بيزنەس يكەمدىلىگى، eGov، IT گە بەيىمدەلۋ).

قازاقستاننىڭ كۇشتى تۇستارى:

سيفرلىق بيزنەستەردى ىسكە قوسۋعا جوعارى دايىندىق؛

ەلەكتروندى مەملەكەتتىك قىزمەتتەردىڭ كەڭىنەن ەنگىزىلۋى؛

تەلەكوممۋنيكاتسيا جانە IT ينفراقۇرىلىمىنىڭ دامۋى.

باسىم باعىتتار:

سيفرلىق داعدىلار مەن جاساندى ينتەللەكت بويىنشا ءبىلىم بەرۋدى دامىتۋ (AI People ،AI Qyzmet ،Tomorrow School باعدارلامالارى)؛

جاساندى ينتەللەكت پەن دەربەس دەرەكتەردى قورعاۋ سالاسىنداعى نورماتيۆتىك بازانى كۇشەيتۋ؛

دەرەكتەر ورتالىقتارىن سالۋ، سيفرلىق پلاتفورمالار مەن ستارتاپتارعا ارنالعان ەكوجۇيەنى ىسكە قوسۋ.

ايتا كەتەيىك، قازاقستان ءبىلىم بەرۋ باعدارلامالارىنان باستاپ سۋپەر ح ق ك و- لار مەن ۇلتتىق جاساندى ينتەللەكت پلاتفورماسىنا دەيىنگى «سيفرلىق مەملەكەت» ينفراقۇرىلىمىن دايەكتى تۇردە قالىپتاستىرىپ، ورتالىق ازيا وڭىرىندە سيفرلىق كوشباسشىلىققا ۇمتىلۋدا.

ادىلەت مينيسترلىگى سيفرلىق سوت ورىنداۋشى جۇيەسىنىڭ العاشقى ناتيجەلەرىن تانىستىردى.