قازاقستان سپورتشىلارىنىڭ قىسقى ازيا ويىندارىنا كيەتىن فورماسىن دەمەۋشىلەر تىگىپ بەردى

استانا. KAZINFORM - قىتايدا وتەتىن IX قىسقى ازيا ويىندارىنا قاتىساتىن قازاقستاندىق سپورتشىلاردىڭ فورماسىن دايىنداۋعا ەل بيۋدجەتىنەن قاراجات بولىنگەن جوق. بۇل تۋرالى تۋريزم جانە سپورت ءمينيسترى ەربول مىرزابوسىنوۆ ءمالىم ەتتى.

Азия ойындарында қазақстан құрамасы қандай форма киеді 
Фото: ҚР Туризм және спорт министрлігі

- سپورتشىلاردىڭ فورماسى ۇيىمداستىرۋ كوميتەتىمەن كەلىسىلىپ، قىسقى وليمپيادا ستاندارتتارىنا ساي، ياعني حاربيننىڭ اۋا رايىنا ساي تىگىلدى. سپورتشىلار، باسقا دا سپورت ماماندارى تاراپىنان جاقسى قابىلداندى. سپورتتىق كيىم دەمەۋشىلەردىڭ تاراپىنان تىگىلىپ، سىيلىق رەتىندە بەرىلىپ وتىر - دەدى ەربول مىرزابوسىنوۆ ۇكىمەت وتىرىسىنان كەيىن وتكەن باسپا ءسوز ءماسليحاتىندا.

وسىلايشا، مينيستر سپورتشىلاردىڭ فورماسىن دايىنداۋعا بيۋدجەتتەن قارجى بولىنبەگەنىن ايتىپ وتىر.

Азия ойындарында қазақстан құрамасы қандай форма киеді 
Фото: ҚР Туризм және спорт министрлігі

ايتا كەتەيىك، قىسقى ازيا ويىندارىندا قازاقستان سپورتشىلارى 51 مەدال جيىنتىعى ءۇشىن كۇرەسەدى.

ايتۋلى سپورت باسەكەسىندە ەلىمىزدىڭ نامىسىن 138 سپورتشى قورعايدى.

سوڭعى جاڭالىقتار