قازاقستان پرەزيدەنتىنىڭ قىتايعا رەسمي ساپارى: العاشقى كۇننىڭ قورىتىندىسى

тоқаев қытайға сапар
Фото: Фото: Ақорда

اقوردا قازاقستان پرەزيدەنتى قاسىم-جومارت توقايەۆتىڭ قىتايعا رەسمي ساپارىنىڭ العاشقى كۇنىنەن ۆيدەو جاريالادى، دەپ حابارلايدى kazinform.

مەملەكەت باسشىسى قىتاي حالىق رەسپۋبليكاسىنا رەسمي ساپارمەن كەشە بارعان بولاتىن.

بۇگىن، 17- قاراشادا ق. توقايەۆ ق ح ر ءتوراعاسى شي جينپيڭمەن كەلىسسوز جۇرگىزدى. ق ح ر ءتوراعاسى ءوز شاقىرۋىن قابىل العانى ءۇشىن مەملەكەت باسشىسىنا العىس ايتىپ، ءوزارا ءتيىمدى ىنتىماقتاستىقتى نىعايتۋ ماڭىزدى ەكەنىن اتاپ ءوتتى. وسى كەلىسسوز ناتيجەسىندە ەكى ەلدىڭ دەلەگاتسيا مۇشەلەرى ءبىرقاتار قۇجاتقا قول قويدى.

ق ر پرەزيدەنتى بەيجىڭدە ءابۋ ناسىر ءال-فارابيگە ورناتىلعان بيۋستتى سالتاناتتى تۇردە اشتى.

كەيىن ق. توقايەۆ بەيجىڭ لينگۆيستيكالىق ينستيتۋتىندا تاعىلىمدامادان وتكەن كەزىندە وزىنە ءدارىس بەرگەن پروفەسسور ليۋ شيتسينمەن اڭگىمەلەستى. «40 جىلدان كەيىن ءبىلىم العان ۋنيۆەرسيتەتىمە كەلىپ، ءوزىڭىزدى امان-ساۋ كورگەنىمە وتە قۋانىشتىمىن. مەن ءسىزدىڭ ەڭبەكقورلىعىڭىزدى، تاباندىلىعىڭىز بەن ەرىك-جىگەرىڭىزدى ەرەكشە باعالايمىن. ءسىزدىڭ شاكىرتتەرگە بەرگەن بىلىمىڭىزگە باعا جەتپەيدى»، - دەدى پرەزيدەنت. ودان ءارى بەيجىڭ ءتىل جانە مادەنيەت ۋنيۆەرسيتەتىنە ءابۋ ناسىر ءال-فارابيدىڭ پورترەتىن سىيلاپ، وسى وقۋ ورنىندا ءبىلىم الىپ جاتقان قازاقستاندىق ستۋدەنتتەرمەن جۇزدەستى.

 

سونىمەن قاتار مەملەكەت باسشىسى SINOPEC كومپانياسى ديرەكتورلار كەڭەسىنىڭ ءتوراعاسى ما يۋنشەندى، YTO Express Co.، Ltd كومپانياسىنىڭ باسقارما ءتوراعاسى يۋ حۋەي دزياونى، CITIC Group كومپانياسىنىڭ باسقارما ءتوراعاسى چجۋ حەسيندى قابىلدادى.

ال CRRC سorporation Limited كومپانياسىنىڭ باسقارما ءتوراعاسى ءارى اتقارۋشى ديرەكتورى سۋن يۋنتسايمەن اڭگىمە بارىسىندا «قازاقستان تەمىر جولى» كومپانياسىنىڭ قىتايدىڭ crrc كومپانياسىمەن قۇنى 1,3 ميلليارد دوللار بولاتىن كەلىسىمگە قول قوياتىنى بەلگىلى بولدى.

ق ح ر مەملەكەتتىك كەڭەسىنىڭ پرەمەرى لي تسيانمەن كەزدەسۋدە مەملەكەت باسشىسى قازاق- قىتاي قاتىناسى قارقىندى دامىپ جاتقانى تۋرالى اتاپ ءوتتى.

بۇكىلقىتايلىق حالىق وكىلدەرى جينالىسى تۇراقتى كوميتەتىنىڭ ءتوراعاسى چجاو لەتسزيمەن اڭگىمە بارىسىندا عاسىرلار بويعى دوستىق پەن ءوزارا قولداۋدىڭ بەرىك ارقاۋىنا سۇيەنە وتىرىپ، قازاقستان مەن قىتاي ماڭگىلىك ءارى جان-جاقتى ستراتەگيالىق سەرىكتەستىك رۋحىندا تۇراقتى نىعايىپ كەلە جاتقان ۇلگىلى مەملەكەتارالىق ىنتىماقتاستىقتىڭ نەگىزىن قالاعانى ايتىلدى.

قازاقستان پرەزيدەنتى جوعارى دەڭگەيدەگى «ءبىر بەلدەۋ، ءبىر جول» باستاماسىنىڭ Ⅲ فورۋمىنا قاتىساتىن دەلەگاتسيا باسشىلارىنىڭ قۇرمەتىنە وراي ق ح ر ءتوراعاسى شي جينپيڭنىڭ اتىنان ۇيىمداستىرىلعان رەسمي قابىلداۋعا قاتىستى.

ق. توقايەۆتىڭ ساپارى شەڭبەرىندە جالپى قۇنى 16,54 ميلليارد دوللار بولاتىن 30 كوممەرتسيالىق قۇجاتقا، سونىڭ ىشىندە ينۆەستيتسيالىق، ساۋدا كەلىسىمدەرىنە، ءوندىرىس تەحنولوگياسىن بەرۋ، كرەديت جەلىسىن اشۋ جانە تاعى دا باسقا باعىتتاردى قامتيتىن كەلىسىمشارتتارعا قول قويىلدى.

سوڭعى جاڭالىقتار