قازاقستان پرەزيدەنتى گەيدار اليەۆتىڭ بەيىتىنە گۇل شوعىن قويدى
استانا. KAZINFORM - قازاقستان پرەزيدەنتى ازەربايجاننىڭ جالپىۇلتتىق كوشباسشىسى گەيدار اليەۆتىڭ بەيىتىنە گۇل شوعىن قويدى، دەپ حابارلايدى اقوردانىڭ باسپا ءسوز قىزمەتى.
پرەزيدەنت قاسىم-جومارت توقايەۆ ازەربايجاننىڭ جالپىۇلتتىق كوشباسشىسى گەيدار اليەۆتىڭ رۋحىنا تاعزىم ەتىپ، ونىڭ جانە زايىبى زاريفا اليەۆانىڭ بەيىتتەرىنە گۇل شوقتارىن قويدى.
سونداي-اق، مەملەكەت باسشىسى شاھيتتەر اللەياسىنداعى ماڭگىلىك الاۋعا گۇل شوعىن قويۋ راسىمىنە قاتىستى.
مۇندا ەلدىڭ ازاتتىعى جولىندا، تاۋەلسىزدىگى مەن اۋماقتىق تۇتاستىعىن ساقتاۋ ءۇشىن قۇربان بولعان ازەربايجان حالقىنىڭ باتىر ۇلدارى جەرلەنگەن.
شاھيتتەر اللەياسى «ناگورنىي» ساياباعىنىڭ اۋماعىندا ورنالاسقان. مۇندا 1990-جىلعى قايعىلى وقيعانىڭ قۇرباندارى مەن قاراباق ءۇشىن بولعان شايقاستاردا قازا تاپقان ۇلت قاھارماندارىنىڭ باۋىرلاستار زيراتى بار.