قازاقستان - ەۋروپا مەن ازيا اراسىن بايلانىستىراتىن التىن كوپىر - ەممانيۋەل ماكرون
فرانسيا پرەزيدەنتى قازاق-فرانسۋز بيزنەس-فورۋمىنىڭ اشىلۋىنا قاتىسىپ، ءسوز سويلەدى، دەپ حابارلايدى Kazinform اقورداعا سىلتەمە جاساپ.
ەممانيۋەل ماكرون ءوز سوزىندە قازاقستاننىڭ 2060-جىلعا قاراي كومىرتەگى بەيتاراپتىعىنا قول جەتكىزۋ جونىندەگى ماقساتىن جوعارى باعالادى. سونداي-اق قازاقستاننىڭ بۇل باعىتتاعى باستامالارىن قولدايتىنىن جەتكىزدى.
▪️ ونىڭ ايتۋىنشا، قازاقستان - ەۋروپا مەن ازيا اراسىن بايلانىستىراتىن التىن كوپىر. فرانسيا پرەزيدەنتى سەرىكتەستىكتى كولىك باعىتتارى، ەڭ الدىمەن «ورتا ءدالىز» ارقىلى دامىتۋ ماڭىزدى دەپ سانايدى.
▪️ ەممانيۋەل ماكرون فرانسيانىڭ اتالعان كولىك ماگيسترالىن وركەندەتۋگە ۇلەسىن قوسۋعا دايىن ەكەنىن تىلگە تيەك ەتتى.
▪️ فرانسيا باسشىسى ازىق-تۇلىك قاۋىپسىزدىگىن قامتاماسىز ەتۋ ءۇشىن اۋىل شارۋاشىلىعى سالاسىنداعى ىنتىماقتاستىقتىڭ پەرسپەكتيۆاسىن زور دەپ باعالادى.
ول ءسوز سوڭىندا ءوزارا مۇددەنى كوزدەيتىن كوپتەگەن سالاداعى ىقپالداستىقتى ودان ءارى نىعايتۋعا دايىن ەكەنىن راستاعانى ءۇشىن قاسىم-جومارت توقايەۆقا العىس ايتتى.
