قازاقستان رەسپۋبليكاسىنىڭ ادىلەت ءمينيسترى تاعايىندالدى

استانا. KAZINFORM - مەملەكەت باسشىسىنىڭ جارلىعىمەن ازامات نەسىپباي ۇلى ەسقارايەۆ قازاقستان رەسپۋبليكاسىنىڭ ادىلەت ءمينيسترى لاۋازىمىنا تاعايىندالدى.

ازامات نەسىپباي ۇلى 1979 -جىلى الماتى قالاسىندا تۋعان.

قازاق مەملەكەتتىك زاڭ اكادەمياسىن بىتىرگەن.

ەڭبەك جولىن 2000 -جىلى ق ر ادىلەت مينيسترلىگى زاڭناما دەپارتامەنتىنىڭ جەتەكشى مامانى بولىپ باستاعان.

2000-2005 -جىلدارى ق ر ادىلەت مينيسترلىگىندە باس مامان، زاڭعا تاۋەلدى نورماتيۆتىك اكتىلەردىڭ جوبالارىن ساراپتاۋ جانە دايىنداۋ باسقارماسى باستىعىنىڭ ورىنباسارى — ءبولىم باستىعى، زاڭناما دەپارتامەنتىنىڭ وندىرىستىك سالانىڭ زاڭعا تاۋەلدى نورماتيۆتىك اكتىلەرىن ساراپتاۋ ءبولىمىنىڭ باستىعى، زاڭناما دەپارتامەنتى باسقارماسىنىڭ باستىعى، زاڭعا تاۋەلدى اكتىلەر دەپارتامەنتى باسقارماسىنىڭ باستىعى بولعان.

2005-2006 -جىلدارى - الماتى قالاسى اكىمىنىڭ باس ينسپەكتورى.

2006-2007 -جىلدارى - «قازىنا» ورنىقتى دامۋ قورى» ا ق زاڭ قىزمەتى دەپارتامەنتىنىڭ باس مەنەدجەرى.

2007-2012 -جىلدارى – ق ر ادىلەت مينيسترلىگىندە ءارتۇرلى لاۋازىمداردا جۇمىس ىستەدى: قۇقىقتىق ماسەلەلەر جونىندەگى كونسۋلتانت، ىشكى اكىمشىلىك دەپارتامەنتىنىڭ جەتەكشى مامانى، ءمينيستردىڭ كومەكشىسى، تالداۋ جانە ستراتەگيالىق جوسپارلاۋ دەپارتامەنتىنىڭ ديرەكتورى، زاڭناما دەپارتامەنتىنىڭ ديرەكتورى.

2012-2014 -جىلدارى ق ر ە ق س ج ق ك ا ينسپەكتسياسىنىڭ ۇيىمداستىرۋ- باقىلاۋ دەپارتامەنتىنىڭ باستىعى بولعان.

2014-2019 -جىلدارى ق ر پرەمەر- ءمينيسترى كەڭسەسىنىڭ زاڭ ءبولىمى مەڭگەرۋشىسىنىڭ ورىنباسارى قىزمەتىن اتقارعان.

2019 -جىلدان 2023 -جىلعى قاڭتارعا دەيىن – ق ر پرەمەر- ءمينيسترى كەڭسەسى زاڭ ءبولىمىنىڭ مەڭگەرۋشىسى.

ق ر پرەزيدەنتىنىڭ 2023 -جىلعى 4-قاڭتارداعى جارلىعىمەن ق ر ادىلەت ءمينيسترى بولىپ تاعايىندالدى.

2023 -جىلعى 4-ساۋىردە ق ر پرەزيدەنتىنىڭ جارلىعىمەن قازاقستان رەسپۋبليكاسىنىڭ ادىلەت ءمينيسترى بولىپ قايتا تاعايىندالدى.

2024 -جىلعى 6-اقپاندا ق ر پرەزيدەنتىنىڭ جارلىعىمەن قازاقستان رەسپۋبليكاسىنىڭ ادىلەت ءمينيسترى بولىپ تاعايىندالدى.