قازاقستان رەسپۋبليكاسى پرەزيدەنتىنىڭ تەلەراديوكەشەنى «ءولىم وشاعى» دەرەكتى فيلمىن ءتۇسىردى
قازاقستان رەسپۋبليكاسى پرەزيدەنتىنىڭ تەلەراديوكەشەنى «ءولىم وشاعى» دەرەكتى فيلمىن ءتۇسىردى، دەپ حابارلايدى Kazinform.
فيلمدە 28-قازاندا «ارسەلورميتتال تەمىرتاۋ» كومپانياسىنا تيەسىلى كوستەنكو شاحتاسىندا بولعان قايعىلى وقيعا باياندالادى.
اپاتتىڭ ءمان-جايىن انىقتاۋ جانە شارا قولدانۋ ءۇشىن مەملەكەت باسشىسى قاسىم-جومارت توقايەۆ قاراعاندى وبلىسىنا بارعان بولاتىن. پرەزيدەنت باقيلىق بولعان كەنشىلەردىڭ تۋعان-تۋىستارى مەن جاقىندارىنا كوڭىل ايتتى. مەملەكەت باسشىسىنىڭ تاپسىرماسى بويىنشا ولارعا جان-جاقتى كومەك كورسەتىلەتىن بولادى. سونداي-اق پرەزيدەنت ۇكىمەتكە «ارسەلورميتتال تەمىرتاۋ» كومپانياسىن مەملەكەت مەنشىگىنە قايتارۋ جۇمىستارىن جۇرگىزۋدى تاپسىردى.
29-قازاندا وتاندىق تەلەارنالاردا «ءولىم وشاعى» دەرەكتى فيلمى كورسەتىلدى:
▪️«تۇركىستان» - 17:40
▪️«حابار 24» - 18:15
▪️ «ورت ەۋرازيا» - 18:15
▪️«جەتىسۋ» - 18:45
▪️«Almaty TV» - 18:55
▪️«31» ارناسى - 19:00
▪️«جىبەك جولى» - 19:30
▪️«ك ت ك» - 20:30
▪️ «Astana TV» - 20:42
▪️«ەل ارنا» - 20:45
▪️«مير» - 21:00
▪️«جەتىنشى ارنا» - 21:50
ەسكە سالا كەتەيىك، 28-قازان كۇنى ساعات 2:33-تە قاراعاندى وبلىسىنداعى «ارسەلورميتتال تەمىرتاۋ» كومپانياسىنا تيەسىلى كوستەنكو شاحتاسىندا جارىلىس بولدى. اپات كەزىندە شاحتادا 252 ادام بولعان، 205 كەنشى جەر بەتىنە شىعارىلعان. سوڭعى مالىمەتتەر بويىنشا، قازا تاپقاندار سانى 45 ادامعا جەتكەن.
باس پروكۋراتۋرا كوستەنكو اتىنداعى شاحتاداعى وقيعاعا قاتىستى قىلمىستىق ءىس قوزعادى. بولجام بويىنشا، كومپانيانىڭ مالىمەتىنشە، لاۆادا گاز مەتانىنىڭ جارىلىسى بولعان. وقيعا ورنىندا قۇتقارۋ جۇمىستارى ۇزدىكسىز جالعاسۋدا.
قازىر «ارسەلورميتتال تەمىرتاۋ» ا ق-نا قاراستى 8 شاحتانىڭ جۇمىسى توقتاتىلدى.
ەسكە سالا كەتەيىك، بۇعان دەيىن قاراعاندى وبلىسىنىڭ كوستەنكو شاحتاسىندا قازا تاپعاندار سانى 45 كە جەتكەنىن جازعان بولاتىنبىز.
