قازاقستان پرەمەر- ليگاسى تاريحىنداعى تۇڭعىش ايەل تورەشى مانسابىن اياقتادى
استانا. KAZINFORM - قازاقستان فۋتبولىندا تاريحي ءسات: ەلۆيرا نۇرمۇستافينا مانسابىن اياقتادى. ول تورەشى رەتىندە سوڭعى ماتچىن وتكىزدى.
بۇل تۋرالى قازاقستان پرەمەر-ليگاسىنىڭ باسپا ءسوز قىزمەتى حابارلادى. ەلۆيرا نۇرمۇستافينا تورەشىلىك جولىن 2008 -جىلى باستادى. 2010 -جىلى ول FIFA تورەشىسى مارتەبەسىن الدى، ال 2013 -جىلدان باستاپ حالىقارالىق ساناتتاعى سۋديا بولدى.
2021 -جىلى نۇرمۇستافينا قازاقستان فۋتبولىنىڭ جوعارعى دەڭگەيىندە ەرلەر كوماندالارى اراسىنداعى رەسمي ماتچتا تورەشى بولعان العاشقى ايەل بولىپ تاريحقا ەندى.
قىزمەت اتقارعان جىلداردا ول سپورت سالاسىنداعى كاسىبيلىك پەن تۇراقتىلىقتىڭ سيمۆولىنا اينالدى. ونىڭ تورەشىلىكتى دامىتۋعا قوسقان ۇلەسى قازاقستان فۋتبول قاۋىمداستىعى ءۇشىن ماڭىزدى كەزەڭ بولدى.
نۇرمۇستافينا وتكىزگەن سوڭعى ماتچ سپورتتىق وقيعا عانا ەمەس، جاڭا ۇرپاققا ۇلگى بولعان داۋىرمەن قوشتاسۋ بولدى.
