قازاقستان گەرمانياعا 993 مىڭ توننا مۇناي جەتكىزدى

Фото: kmg.kz
Фото: kmg.kz

«قازترانسويل» 2023-جىلدىڭ قورىتىندىسىندا گەرمانياعا 993 مىڭ توننا قازاقستان مۇنايىن جەتكىزدى، دەپ حابارلايدى Kazinform.

«2023-جىلدىڭ قاڭتار-جەلتوقسان ايلارىندا قازاقستاندىق مۇنايدى ودان ءارى گەرمانياعا جەتكىزۋ ءۇشىن «ترانسنەفت» ج ا ق ماگيسترالدىق مۇناي قۇبىرى جۇيەسى ارقىلى «اداموۆا زاستاۆا» مۇناي جەتكىزۋ بەكەتىنە قاراي تاسىمالدانعان كولەم 993 مىڭ توننانى قۇرادى. ەنەرگەتيكا مينيسترلىگى بەكىتكەن مۇناي تاسىمالداۋ كەستەسىنە سايكەس، «قازترانسويل» ا ق 2024-جىلدىڭ قاڭتارىندا گەرمانياعا ودان ءارى جەتكىزۋ ءۇشىن 100 مىڭ توننا قازاقستاندىق مۇنايدى تاسىمالداۋدى جوسپارلاپ وتىر»، - دەلىنگەن «قازمۇنايگاز» ۇلتتىق كومپانياسى تاراتقان اقپاراتتا.

كومپانيا مالىمەتىنشە، 2024-جىلى «قازترانسويل» ا ق گەرمانياعا جەتكىزۋ ءۇشىن «ترانسنەفت» جاق ماگيسترالدى مۇناي قۇبىرى جۇيەسى ارقىلى «اداموۆا زاستاۆا» مۇناي جەتكىزۋ پۋنكتىنە 1,2 ميلليون تونناعا دەيىن قازاقستان مۇنايىن جونەلتۋدى جوسپارلاپ وتىر. بۇل ترانزيت قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى 2002-جىلعى 7- ماۋسىمداعى ءتيىستى كەلىسىم اياسىندا جۇزەگە اسىرىلادى.

سوڭعى جاڭالىقتار