قازاقستان قىتايعا ماي ونىمدەرى ەكسپورتىن 250 ميلليون دوللارعا جەتكىزۋدى كوزدەپ وتىر
استانا. KAZINFORM - قازاقستان قىتايعا ماي ونىمدەرىن ەكسپورتتاۋ بويىنشا رەكوردتى جاڭارتىپ، $250 ميلليون كورسەتكىشىنە جەتكىزۋدى كوزدەپ وتىر، دەپ حابارلايدى ق ر اۋىل شارۋاشىلىعى مينيسترلىگىنىڭ باسپا ءسوز قىزمەتى.
مايلى داقىلداردى وڭدەۋشىلەر ۇلتتىق قاۋىمداستىعىنىڭ (م د ءو ۇ ق) باسقارما ءتوراعاسى يادىكار يبراگيموۆتىڭ ايتۋىنشا، ەكسپورتتىڭ وسۋىنە ىقپال ەتەتىن فاكتورلاردىڭ ءبىرى - قازاقستاندا وندىرىلگەن اقۋىزى جوعارى جەمشوپتەر ءۇشىن قىتاي نارىعىنىڭ اشىلۋى بولدى، ول ءۇشىن قىتايلىق ساتىپ الۋشىلار جوعارى باعا ۇسىنىپ وتىر.
قازاقستاننىڭ ماي زاۋىتتارى شانحايدا وتكەن قىتاي حالىقارالىق يمپورت كورمەسىندە $56 ميلليونعا كەلىسىمشارتقا وتىردى.
يادىكار يبراگيموۆتىڭ ايتۋىنشا، شانحايدا بيىل قازاقستاندىق 12 ماي زاۋىتى ماي ونىمدەرىن ۇسىنادى.
بۇگىنگى تاڭدا قىتاي قازاقستاندىق ماي ونىمدەرى ەكسپورتى بويىنشا قارجىلاي كورسەتكىشتە كوش باستاپ تۇر. مايلى داقىلدار وڭدەۋشىلەر ۇلتتىق قاۋىمداستىعىنىڭ باسقارما ءتوراعاسى قازاقستاندىق 24 ماي زاۋىتىن قىتاي كەدەن تىزىلىمىنە جەدەل ەنگىزۋگە جاردەمدەسكەن سالالىق مينيسترلىكتەر - ق ر ساۋدا جانە ينتەگراتسيا مينيسترلىگى مەن ق ر اۋىل شارۋاشىلىعى مينيسترلىگى تاراپىنان بولعان قولداۋدىڭ ماڭىزدىلىعى اتاپ كورسەتتى.
سونداي-اق وسىمدىك مايلارىنىڭ اي سايىنعى ەكسپورتتىق كولەمىن بىركەلكى ءبولۋ بويىنشا «قازاقستان تەمىر جولى» ۇ ك» ا ق-مەن ۇيلەستىرىلگەن جۇمىس ماڭىزدى اسپەكت بولىپ سانالادى. ماي وڭدەۋشىلەر ەكى جىل ىشىندە قىتايعا وسىمدىك مايى مەن مال ازىعى ەكسپورتىن $300 ميلليون دەڭگەيىندە جەتكىزۋدى جوسپارلاپ وتىر.
قازاقستاننىڭ CIIE- 2024 كورمەسىنە قاتىسۋى قىتاي نارىعىنا ماي ونىمدەرى ەكسپورتىن كەڭەيتۋ مەن ەلىمىزدىڭ ازياداعى ساۋدا پوزيتسياسىن نىعايتۋداعى ماڭىزدى قادام بولدى.
وسىعان دەيىن ولجاس بەكتەنوۆ قىتايدىڭ جەتەكشى كومپانيالارىنىڭ وكىدەرىمەن كەزدەسىپ، 2,5 ميلليارد دوللارعا كەلىسىم جاساعانىن جازدىق.
