قازاقستان قىتايعا ا ە س- تە قولدانىلاتىن يادرولىق وتىننىڭ ءۇشىنشى لەگىن جەتكىزدى
قازاقستان قىتايعا اتوم ەلەكتر ستانتسياسىندا قولدانىلاتىن يادرولىق وتىننىڭ ءۇشىنشى پارتياسىن جەتكىزدى، دەپ حابارلايدى Kazinform «سامۇرىق-قازىناعا» سىلتەمەمەن.

قىتايدىڭ يانتسزى قالاسىنداعى ا ە س- تە قازاقستاندىق ءوندىرىستىڭ جىلۋ بولەتىن جيناقتارىن قابىلداۋ سالتاناتىنا قاتىسقان «سامۇرىق-قازىنا» قورىنىڭ باسقارما ءتوراعاسى نۇرلان جاقىپوۆ ەكى ەل اراسىنداعى جوعارى جەتىستىكتى اتاپ ءوتتى.

«بۇل جوبا ءبىزدىڭ ەلدەرىمىزدىڭ جوعارى تەحنولوگيالىق وندىرىستەردى جۇزەگە اسىرا الاتىندىعىن دالەلدەپ وتىر. CGN توبى، سونداي-اق قازاتومونەركاسىپ، ءۇلبى مەتاللۋرگيالىق زاۋىتى جانە ءۇلبى-ج ب ق باسشىلىعىنىڭ جەكە ۇلەسىن ەرەكشە اتاپ وتكىم كەلەدى. سونىڭ ارقاسىندا ءبىزدىڭ كوماندالار وندىرىستىك جوسپارلار مەن مىندەتتەردى ورىنداي الدى»، - دەدى نۇرلان جاقىپوۆ.

ايتا كەتەيىك، 2015-جىلى «قازاتومونەركاسىپ» ۇ ا ك ا ق قىتايدىڭ CGN يادرولىق-ەنەرگەتيكالىق كورپوراتسياسىمەن بىرگە ءۇلبى مەتاللۋرگيالىق زاۋىتى بازاسىندا ا ە س- كە قاجەتتى يادرولىق وتىن شىعاراتىن «ءۇلبى-ج ب ق» بىرلەسكەن كاسىپورنىن قۇردى. ءوندىرىس 2021-جىلدىڭ قاراشا ايىندا ىسكە قوسىلدى.
