18:26, 27 - قىركۇيەك 2023 | GMT +5
قازاقستان-قىتاي شەكاراسى 4 كۇنگە جابىلادى
29- قىركۇيەكتە جانە 1-3- قازان ارالىعىندا قازاقستان-قىتاي شەكاراسىنداعى وتكىزۋ پۋنكتتەرى جۇمىس ىستەمەيدى، دەپ حابارلايدى ق ر ق م مەملەكەتتىك كىرىستەر كوميتەتىنىڭ باسپا ءسوز قىزمەتى.

«قىتاي حالىق رەسپۋبليكاسىنداعى مەرەكە كۇندەرىنە بايلانىستى 2023-جىلعى 29- قىركۇيەكتە جانە 1-3- قازان ارالىعىندا قازاقستان-قىتاي شەكاراسىنداعى اۆتوموبيل وتكىزۋ پۋنكتەرىندە تۇلعالاردىڭ، كولىك قۇرالدارى مەن جۇكتەردى وتكىزۋ جۇزەگە اسىرىلمايدى. ءبىراق قازاقستان-قىتاي شەكاراسىنداعى تەمىرجول وتكىزۋ پۋنكتتەرى شتاتتىق رەجيمدە جۇمىسىن جالعاستىرادى» دەلىنگەن حابارلامادا.
كوميتەت تاسىمالداۋشىلارعا جانە شەكارادان وتۋگە نيەت بىلدىرۋشىلەرگە وسى وزگەرىستەردى ەسكەرە وتىرىپ، جول باعدارىن الدىن-الا جوسپارلاۋ كەرەگىن ەسكەرتەدى.