قازاقستان قور بيرجاسىنىڭ باسشىسى اۋىستى

الماتى. KAZINFORM - «قازاقستان قور بيرجاسى» ا ق (KASE) باسقارما ءتوراعاسى بولىپ ءادىل مۇحامەدجانوۆ سايلاندى.

- قازاقستان قور بيرجاسىنىڭ (KASE) ديرەكتورلار كەڭەسىنىڭ شەشىمىمەن ءادىل مۇحامەدجانوۆ 2025-جىلدىڭ 31-ناۋرىزىنان باستاپ KASE باسقارماسىنىڭ ءتوراعاسى بولىپ سايلاندى. ونىڭ وكىلەتتىك مەرزىمى 2026-جىلعى 1-شىلدەگە دەيىن جالعاسادى، - دەپ حابارلادى KASE باسپا ءسوز قىزمەتى.

ءادىل مۇحامەدجانوۆ 2021-جىلدان بەرى «ورتالىق باعالى قاعازدار دەپوزيتاريى» ا ق باسقارما ءتوراعاسى قىزمەتىن اتقارعان. بۇعان دەيىن KASE باسقارما ءتوراعاسىنىڭ ورىنباسارى بولىپ جۇمىس ىستەگەن، سونداي-اق ق ر ۇلتتىق بانكى مونەتارلىق وپەراتسيالار دەپارتامەنتىندە ءتۇرلى لاۋازىمداردى اتقارعان.

سونداي-اق، قازاقستان قور بيرجاسى (KASE) ديرەكتورلار كەڭەسىنىڭ شەشىمىمەن 2025-جىلدىڭ 31-ناۋرىزىنان باستاپ الينا الدامبەرگەننىڭ KASE باسقارما ءتوراعاسى رەتىندە وكىلەتتىگى توقتاتىلدى.

ول بۇل قىزمەتتى 2016-جىلدىڭ 9-اقپانىنان باستاپ اتقارىپ كەلەدى. وسى تاعايىنداۋعا دەيىن ا. الدامبەرگەننىڭ قارجى نارىعىندا، ونىڭ ىشىندە رەتتەۋشى ورگانداردا جانە KASE ديرەكتورلار كەڭەسىندە ايتارلىقتاي تاجىريبەسى بولدى.

وسىعان دەيىن قازاقستان قور بيرجاسىنداعى (KASE) ساۋدا-ساتتىق قورىتىندىسى بويىنشا 1 دوللاردىڭ تەڭگەگە شاققانداعى باعامى تومەندەگەنى تۋرالى جازدىق.