قازاقستان قور بيرجاسىندا شەتەل ۆاليۋتالارىنا قاتىستى ساۋدا كولەمى ارتتى
الماتى. KAZINFORM - بىلتىر قازاقستان قور بيرجاسىندا (KASE) شەتەل ۆاليۋتالارىنا قاتىستى ساۋدا كولەمى 38 تريلليون تەڭگەگە جەتتى. بۇل 2023 -جىلمەن سالىستىرعاندا 8,3 تريلليون تەڭگەگە نەمەسە 28 پايىزعا جوعارى.

بيرجا مالىمەتىنە سايكەس، ۆاليۋتا ايىرباسىن قوسا ەسەپتەگەندە شەتەل ۆاليۋتالارىنا قاتىستى بولعان ساۋدا كولەمى 72 پايىزعا ارتتى. 2023 -جىلى ول %62,7 بولاتىن. بۇل رەتتە EUR/USD ۆاليۋتا جۇبىنداعى ساۋدا ۇلەسى ازايىپ، جىل سوڭىندا 2,7 پايىزدى كورسەتتى.
2024 -جىلى KASE- دەگى جالپى ساۋدا كولەمىنىڭ باسەڭدەگەنى بايقالدى. (389,1 تريلليون تەڭگە) ساۋدانىڭ ناقتى كولەم يندەكسى 2023 -جىلدىڭ ۇقساس كەزەڭىمەن سالىستىرعاندا %5,3 نەمەسە 21,7 تەڭگەگە ازايدى.
وسىعان دەيىن قازاقستاننىڭ قوس قور بيرجاسى - قازاقستان قور بيرجاسى (KASE) مەن استانا حالىقارالىق بيرجاسىنىڭ (AIX) قۇرىلىمى مەن قىزمەتى وزگەرىسسىز قالاعانى تۋرالى جازعان بولاتىنبىز.